ROMA 12:11 - WUKE SUSI WATTI'U AL᷊AL᷊USASSA

¹¹ Pammanarate ringannu maṛṛimadda. Arie mangkete wolo'a. Pammanara su Mawu ringannu atatohassa wuassu Ghaṛṛahon Ruata.

ROMA 12:11 Referans Kwoze

WATTI'U MANGA RASUL 18:25

see suete lai niaṛṛaanna manaṛṛassida al᷊aṛṛa'u Mawu Yesus. Ne ringannu apulu apan wahewalla i tou mangngaṛṛa'a ringannu ma'uddupa su ola'u Mawu Yesus, salaiwe wakkute sasaṛṛanin Yohanes niasingkatanne.

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.

AMSAL 13:4

Iapa malassa apulune manambo arawe saran sambau tawe naompaanne; taumata apan mammanara maṛṛimadda maasomba sarangkanambone apan ipaapulune.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

WATTI'U MANGA RASUL 20:19

Ringannu awawawon dal᷊ummu naungnga wuṛṛu ringannu allo mata, i ya'u mammanara manara Mawu su pattangngannu asasusa apan niapendamangku ana waugu pandumma lal᷊eo wuassu taumatan Yahudi.

MATIUS 24:12

Al᷊al᷊eo sarun ṛumite aroddi ahewalle ma'oman sara manambo taumata tate lai maddarangngu.

AMSAL 10:26

Arie mandolokku taumata malassa, i tou tumba'u mandal᷊eo naungnga, ere cuka maaṛṛangirassa isi ara'e timbulla maaṛṛage mata.

AMSAL 22:29

I'o buatte naasilo sangkatou taumata pande mammanara manarane? Taumata udde sarun iapamanara su wal᷊en manga ratu, wal᷊ine su wal᷊en taumata wiasa.

AMSAL 18:9

Taumata apan tawe manginsue manarane al᷊eone nassul᷊ungngu taumata apan apulune manggohakka.

SASABANGNGA 5:17

Ratu sinumimbakka, “I yamiu wolo'a atonna wuṛṛu maddiri mamanara. Ana waugu udde i yamiu madorongnga si ya'u tadea'u inai mangonggolu sasamba su mawunu.

1 TIMOTIUS 5:13

See lai i mangitou mangke manggolo'a allo uawal᷊el᷊enganna sussutta su wal᷊en taumata. Wuṛṛu aral᷊eoanne lai eteudde i mangitou mandal᷊eo arannu taumata waine wuṛṛu sussutta su hatton taumata waine see uahahatton manga inolaanna apan tawe ṛinone ipagahatto.

YESAYA 56:10

Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

SONDAPPA 2:4

Arawe indi sasimba-U si yamiu: I yamiu tate mandangngu si Ya'u ere rorone.

KOLOSE 4:1

Manga tuṛṛangnga apan naola'a tuangnga! Ṛinone i yamiu ma'ola'a manga allangngu ringannu apapia wuṛṛu atatul᷊idda. Paanaunge manungku i yamiu pia sangkatou tuangnga su surga.

1 KORINTUS 7:22

Ana waugu sangkatou allangnga apan buatte nangimanna Mawu, naola'e taumatan Mawu. Wuṛṛu sangkatou apan napallose apan mangngimante Mawu, naola'e allangngi Kristus.

MATIUS 25:26

‘I'o mangangimbe apan lal᷊eo wuṛṛu malassa!’ unnu mawune udde. ‘Wal᷊inewe i'o masingkatte manungku i ya'u mangngitingnga su tampa i ya'u tawe massuanna, wuṛṛu mammurutta su tampa i ya'u tawe mangasi'u wualanna?

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

AMSAL 31:15

Marua allo maṛṛanggappa i tou napu'ote manaddia annu lal᷊oṛṛon bal᷊ene, wuṛṛu mattahia manaran manga allangnge.