ROMA 11:33 - WUKE SUSI WATTI'U AL᷊AL᷊USASSA

³³ Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

ROMA 11:33 Referans Kwoze

AYUB 5:9

Manga inolaannu Ruata tawe sul᷊ungnge; i ite mangke tawe maasunna. Manga al᷊aṛṛindu'a apan niolang-Nge, tawe iareengnga wuṛṛu tawe umuddussa.

DARALO 92:5

Ana waugu inolaan-Nu maal᷊uassa naungku, i ya'u mangngantari lulluassa ana waugu manara-Nu.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

EFESUS 3:10

Pandumannu Ruata eteudde, tadea'u orassa indi, wuassu jamaatta sarangkanambone apan uaagassa taṛṛino su winalanganna masingkatu apanden Duata su al᷊awo'u inolaanne.

MANNANASE 3:11

I tou nanantunnu tempo apan naṛṛino su al᷊awo'u saranapa. I tou nangonggolla si ite paapulu tadea'u maasingkatta allo addantane, arawe i ite tawe maasunna inolaannu Ruata wuassu panattaṛṛanne maddatingngu panguddusanne.

DARALO 36:6

Mawu, darangngu-Nu ere atanggaku langitta, wuṛṛu atatul᷊iddu Mawu naddatingu winabbawa.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

ROMA 9:23

Ruata lai maapulu mapaal᷊iatta'a si ite al᷊al᷊uassa apan nasuungnga apan nionggola si ite taumata arangnguan-Ne. I ite buatte nisaddianni Tou manengkamma al᷊al᷊uassa udde.

DARALO 97:2

I Tou papal᷊iwutannu winabbawa wuṛṛu ararandumma; atatul᷊idda wuṛṛu tita uddewe sasariannu araratuan-Ne.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

AYUB 26:14

Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DARALO 40:5

Lal᷊umanna'a su taumata apan mangngimanna Mawu, apan tawe tinumantalonga massubba manga monganna, ara'e maiontolla su taumata mawunga.

AYUB 9:10

I ite tawe maasunna anambon manara-Ne, i ite tawe maareengngu manga al᷊aṛṛindu-Nge.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

AMSAL 25:3

Naal᷊ihidda laudda apan mal᷊al᷊umma wuṛṛu langitta apan matanggakka, aroddiwe ṛingirannu ratu apan tawe asunnanna.

EFESUS 3:18

I ya'u u'al᷊iomanna doronganna suadio'a ringannu anambon walahannu Ruata, i yamiu wotongnge maasunna aroddi ahewalle wuṛṛu al᷊o'engnge wuṛṛu atanggakke wuṛṛu al᷊al᷊umme darangngun Kristus,

AYUB 37:19

Aṛṛa'ete i yami apate apan iwisaran kami su Ruata; i yami tawe maatal᷊a'a, ṛingiranni yami tawe loṛṛone.

AYUB 33:13

Anio i'o mammaṛṛansilla Ruata manungku i Tou tawe maddaringikka sasal᷊iomannu taumata?

AYUB 15:8

Apa i'o naaringikka Ruata na'ola'a riin-Ne? Apa tumba'u i'o apan pia asingkattu taumata?

DARALO 139:6

Alal᷊ummawe eteapa si ya'u apapande-Nu udde, tawe a'omannu ṛingirangku.

DARALO 145:3

Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

AMSAL 25:2

Ruata wabbantuhanna ana waugu apa apan iaadapping-Nge; ratu aaddatanna ana waugu apa apan tattal᷊aane.

MANNANASE 7:24

Isai wotongnge maasingkatta atappasannu pabbiaṛṛanna indi? Tumanite malal᷊umma madea'a passunnanne!

MANNANASE 8:17

i ite mangke tawe maasunna manaran Duata. Salaiwe ereapa i ite mattinsahadda, i ite tawe maasunna. Taumata pande mangnga'u manungku i tou masingkatta, arawe atonna i tou wagga.

YESAYA 28:29

Apapande udde darantane wuassu Mawu Apan Lembontaṛṛino. Anambon ṛiinnu Mawu masiṛṛongnga wuṛṛu sidutu mahessi.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

1 KORINTUS 2:10

Arawe Ruata buatte napaal᷊iatta'a si ite sulal᷊ummu Ghaṛṛaho-Ne. Ghaṛṛahon Duata udde mammarikissa sarangkanambone, na'oman sara manga pandumannu Ruata apan uawuni.

ESTER 2:22

Hol᷊aga udde niasingkatanni Mordekhai wuṛṛu i tou lapiddu namasingkatta si Ester. Ringannu tawe nallannu, Ester nabbatti'a su ratu apa apan niasingkatanni Mordekhai udde.

AYUB 10:13

Arawe orassa indi i ya'u masingkatta manungku su al᷊annune udde, mal᷊anna-l᷊annabba I'o buatte nakkiinnu silaka'u.

AYUB 23:14

I tou sarun mapaamattu ṛiin-Ne si ya'u, wuṛṛu ta'e manambo lai ṛiin-Ne waine.