ROMA 11:32 - WUKE SUSI WATTI'U AL᷊AL᷊USASSA

³² Ana waugu Ruata suete namalan taumata paparentannu lal᷊awangnga, tadea'u i Tou wotongnge mapaal᷊iatta'u darangngu-Ne si mangitou sarangkanambone.

ROMA 11:32 Referans Kwoze

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

ROMA 3:9

Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

YOHANES 1:7

I tou nirumanta mammasingkattu asasemakka udde, tadea'u anambon taumata mangngimanna.

ROMA 5:19

Wuṛṛu su ereapa anambon taumata naola'a taumata marosa ana waugu sangkatou taumata apan mal᷊awangnga, aroddi lai manambo taumata iwala masasangkapia apia ringannu Ruata ana waugu pia sangkatou apan matuṛṛutta Ruata.

ROMA 11:31

Aroddi lai su manga taumatan Yahudi udde. Orassa indi i mangitou maddiri tumuṛṛutta Ruata, tadea'u i yamiu iapaal᷊iatta'a manungku i yamiu nal᷊iute wuassu passasal᷊a. Arawe i mangitou lai sarun iapaal᷊iu wuassu passasal᷊a.

GALATIA 3:23

Tantal᷊anna taambe nia'omanna tempone i ite mangngimanna Mawu Yesus Kristus, i ite lal᷊u'arannu titan agama ringannu mapia; i ite naal᷊ihida niṛṛimputa ma'oman sara pangangimanni ite udde lumiatta'a.