ROMA 11:17 - WUKE SUSI WATTI'U AL᷊AL᷊USASSA

¹⁷ Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

ROMA 11:17 Referans Kwoze

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

YEREMIA 11:16

I Ya'u buatte nanaggon mangitou punnu zaitun apan uasaṛṛihalo, napene manga wuane apan mangkapia. Arawe, orassa indi ringannu tingikka ruddalu'a apan ma'ikkatta sarun Ta'u soṛṛowanna manga rongngane wuṛṛu Ta'u paddianna anambon rannane.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

MATIUS 21:43

“Nariaddi paanaunge,” unnu Mawu Yesus, “anambon taṛṛino su al᷊aṛṛana'u Ruata sarun ul᷊eanna wuassi yamiu wuṛṛu ionggolla su walahanna apan mapaamattu manga parenta Ruata. [

DARALO 52:8

Maasilo udde taumata susi sarun mata'utta, ana see lumaggenu wuṛṛu mabbisara,

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

SONDAPPA 11:4

Ruang katou tiala udde, eteudde ruam bua alun Zaitun wuṛṛu ruam bua leddan sol᷊o apan uaraddo su saruannu Mawu ul᷊ilimpati'uppa.

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

ZAKARIA 4:3

Su samba'a aiṛṛi wuṛṛu aikkatannu leddan sol᷊o udde pia duang kalu punnu zaitun.”

YUNUS 1:16

Manga mamanaran apalla udde nabbal᷊i lembon matta'uttu Mawu, wuṛṛu napawe su ammarannete, i mangitou nangonggollu sasamba wuṛṛu nangimben al᷊awo'u hatin sasamba su Mawu.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

TAHIUL᷊E 8:8

Su wanua udde manambo wuan manga gandumma, anggore, wuan ara, wuan delima, alu zaitun wuṛṛu pul᷊a.

GALATIA 2:15

Atonna tumuṛṛuttu tampa inariadianna, i yami indi taumatan Yahudi wuṛṛu wal᷊ine “taumata wal᷊ine Yahudi apan marosa.”

YOHANES 15:1

Mawu Yesus nabbisara apia, “I Ya'u punnu anggore apan tutune, wuṛṛu Iamang-Ku mabbawaille.

ROMA 11:24

Tuṛṛangnga apan wal᷊ine wuassu walahannu Yahudi udde, naal᷊ihida rannan alu zaitun apan lul᷊u. Ei, amungkangngu i'o uatata'ae sulal᷊ummu pallal᷊agunu, wotongnge ireeta su alu zaitun tutune, lembonete manga taumatan Yahudi apan nisumandingnga su manga rannan alu zaitun tutune udde. Natantunna malluasanne Ruata mamelengngi mangitou su punnu alun zaitunni mangitou sassane.