ROMA 10:18 - WUKE SUSI WATTI'U AL᷊AL᷊USASSA

¹⁸ Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

ROMA 10:18 Referans Kwoze

DARALO 19:4

Taweddu mabbisara ara'e maggahatto, tawe tingikka apan aringiṛṛanna.

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

MATIUS 24:14

Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

1 TESALONIKA 1:8

Ana waugu nanattakka wuassi yamiu, watti'a su ola'u Mawu suete niapaasingkata na'oman sara watukku Makedonia wuṛṛu Akhaya. Wuṛṛu wal᷊ine tumba'u udde lai; arawe watti'a su ola'u ereapa i yamiu nangimanna Ruata na'omate su al᷊awo'u tampa, na'oman sara i yami lasa'e lai maggahaton al᷊awo'u hatto si yamiu.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

MATIUS 26:13

Pangimante! su ahewallu runia, suapan tampa Watti'u Al᷊al᷊uassa wuassu Ruata iapasingkatta, inolaannu bawine indi sarun iwatti'a lai maola'a pananaunganna si tou.”

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

MATIUS 4:8

Wua'udde Setanna nangapidde Mawu Yesus su wuidda apan matanggakka atonna wuṛṛu tina'ete si Tou al᷊awo'u araratuanna su runia ringannu al᷊awo'u pa'aalane.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

1 MARARATU 18:10

Ringannu arannu Mawu apan biakka, Ruata apan sassubbannu Iamangnga, i ya'u mamasingkatta manungku ratu buatte nandolo'u maddea'a si Iamangnga su alawo'u tampa. Amungkangngu su sambau wanua tembonanne mabbisara manungku Iamangnga tawe poiaroddi, i Ahab maddorongnga tadea'u tembonannu wanua udde massalu manungku Iamangnga atonna tawe niasangkal᷊anna isudde.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

WATTI'U MANGA RASUL 28:23

Ne i mangitou wuṛṛu i Paulus nanantunnu sambau allo pasasombanna. Su allo udde manambo taumata nirumanta su tampa atatanaanni Paulus. Wuassu rua'allo madatingngu bawallo i Paulus mannal᷊a'a wuṛṛu mabatti'a si mangitou watti'a su ola'u ereapa Ruata mamarenta ere sangkatou Ratu. Ringanni nappaattu manga tatialane sulal᷊ummu Wuke Musa wuṛṛu Wuke Manga Nabi, i Paulus mangke maddea'a tadea'u i mangitou mangngimanna Mawu Yesus.

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”