ROMA 10:15 - WUKE SUSI WATTI'U AL᷊AL᷊USASSA

¹⁵ Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”

ROMA 10:15 Referans Kwoze

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

EFESUS 2:17

Ana waugu udde Mawu Yesus nirumanta namasingkattu Watti'u Al᷊al᷊uassa su ola'u paddarame udde si yamiu; mawae si yamiu wal᷊ine taumatan Yahudi apan rorone marau wuassu Ruata, ara'e lai su taumatan Yahudi apan marani Ruata.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

EFESUS 6:15

Ṛinone i yamiu sidutu mabbatti'u Watti'u Al᷊al᷊uassa apan mangngapiddu paddarame maola'a aampakku leddanu.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

WATTI'U MANGA RASUL 13:26

Manga tuṛṛangnga papapulunni Abraham, wuṛṛu manga tuṛṛangnga waine apan isindi apan tuttuṛṛutta Ruata! Ruata suete nangonggolu Watti'u Asasal᷊amatta udde si ite;

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

LUKAS 10:1

Wua'udde Mawu Yesus namile sire pitum pul᷊o mallal᷊aṛṛenggen-Ne lai, see nandolokki mangitou pattaṛṛa darua malliu ṛoro si Tou watukku al᷊awo'u soa wuṛṛu tampa apan rantanni Tou.

LUKAS 8:1

Tawe nal᷊annu wua'udde, Mawu Yesus inaite su manga soa wuṛṛu manga ampungnga, ana mamasingkattu Watti'u Al᷊al᷊uassa manungku Ruata manattakke mamarenta ere sangkatou Ratu. Siri mapul᷊o dua mallal᷊aṛṛenggen-Ne uatantalongnga su sampunna ringanni Tou.

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

MATIUS 9:38

Ana waugu udde paddorongke su tatahuannu wailla udde tadea'u mandolokku mangangitingnga iapa'itingnga.”

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

ROMA 1:15

Ana waugu udde i ya'u maapulu atonna mamasingkattu Watti'u Al᷊al᷊uassa udde si yamiu apan uatana'a su Roma lai.

ROMA 15:20

Apulu'u eteudde mamasingkatu Watti'u Al᷊al᷊uassa wuassu Ruata su manga tampa suapan taumata taambe naaringikka si Kristus. Ana waugu i ya'u maddiri mapararisikku manara su rapappake apan niaddon taumata waine.