ROMA 1:29 - WUKE SUSI WATTI'U AL᷊AL᷊USASSA

²⁹ Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,

ROMA 1:29 Referans Kwoze

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

AMSAL 16:28

Taumata apan mallinga mandantan pabbawawul᷊o; taṛṛa lobbossa mappatal᷊ein sanggaweanna.

AMSAL 26:20

Napawe alu nappusse, ne putungnge mappaddumpe; napawe iapa tal᷊imoṛṛonganna tate baddi'a, ne patatiakka lai nasuete.

DARALO 41:7

Manga taumata apan mattembo si ya'u tawe naungnge mal᷊uassa. I mangitou mangngammulu watti'u al᷊al᷊eo'u, ana see iapasingkatta su al᷊awo'u tampa.

ROMA 3:10

Ere uawoṛṛetta sulal᷊ummu Wuke Susi, “Tawe saran sangkatou apan naṛṛino,

MATIUS 5:32

Arawe tempo indi Ya'u mabbisara si yamiu; isai-sai manantangngu awingnge manimbe wawine udde tawe sinumandaga, i tou napaola'u awingnge udde sinumandaga, amungkangngu awingngi tou udde ma'awingnga apia. Wuṛṛu isai-sai ma'awingnga ringannu wawine apan suete nitantangnga udde, sinumandaga lai.”

1 TIMOTIUS 3:11

Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.