ROMA 1:25 - WUKE SUSI WATTI'U AL᷊AL᷊USASSA

²⁵ Ruata apan naṛṛino, nihantianni mangitou ringannu sarannapa awusu. Wal᷊ine mandariaddi ewe'e apan niriaddine udde sassubanna wuṛṛu a'imbeanni mangitou. Sumbal᷊i iapa nandiaddi udde apan ṛinone raloanna sarangkal᷊o'engnge! Amin.

ROMA 1:25 Referans Kwoze

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.

YEREMIA 13:25

Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

ROMA 9:5

Ete i mangitou udde papapulunna wuassu iupungngu al᷊amonan kite. Kristus su olangnge ere sangkatou taumata wuassu walahanni mangitou. I Tou lembon atanggaṛṛanne wuassu sarangkanambone. Paddalote Ruata sarangkal᷊o'engnge! Amin.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

ROMA 1:23

Wal᷊inewe Ruata apan uata'a sassubanni mangitou, ewe'e manga paal᷊uanna apan naal᷊ihida riadianna apan wotongnge mate; eteudde taumata, manu'u winalanganna, winatangnga leddane appata wuṛṛu winatangnga apan tuttondon roone.

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

ROMA 1:18

Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

1 TIMOTIUS 1:11

Al᷊aṛṛa'a udde niasombanganna sulal᷊ummu Watti'u Al᷊al᷊uassa apan pananal᷊iawukke tinantilla si ya'u, eteudde Watti'u Al᷊al᷊uassa wuassu Ruata apan mawantuga wuṛṛu ṛinone raloanna.

MATIUS 10:37

Taumata apan marangngu iamangnge ara'e inangnge manampal᷊iu wuassia-U tawe maola'a mallal᷊aṛṛenggeng-Ku. Aroddi lai taumata apan marangngu anangnge esakka ara'e wawine manampal᷊iu wuassia-U.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

EFESUS 3:21

Ṛinone Ruata wantuhanna sara maṛṛawa mappulunna sulal᷊ummu jamaatta, wuassi Kristus Yesus. Daralo su Ruata saran mal᷊annu-l᷊annu! Amin.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

YOHANES 2:8

See Mawu Yesus nabbisara si mangitou, “Orassa indi pangabbate ua'e adio'a wuṛṛu apira'e su piaṛṛa'u andeangnga.” I mangitou nangapiddu ua'e udde su piaṛṛa'u andeangnga,