ROMA 1:24 - WUKE SUSI WATTI'U AL᷊AL᷊USASSA

²⁴ Ana waugu udde Ruata namala mangitou tuttuṛṛutta apulu naungngi mangitou ma'ola'a al᷊al᷊eo na'oman sara i mangitou lai ma'ola'a al᷊al᷊eo su sansul᷊ungngu taumata.

ROMA 1:24 Referans Kwoze

WATTI'U MANGA RASUL 7:42

Ne Ruata nanantangngi mangitou wuṛṛu namala mangitou massubba manga anumpitanna su langitta. Udde ere lai uawoṛṛetta sulal᷊ummu Wuke Manga Nabi. Arendi, ‘Ei manga taumatan Israel! Wal᷊inewe hunane si Ya'u i yamiu mammototta wuṛṛu ma'ola'a sasamba wuassu winatangnga, appatu pul᷊o su tonnane al᷊annune su wadda'a.

WATTI'U MANGA RASUL 14:16

Su tempo nal᷊iu Mawu namala manga walahanna tuttuṛṛutta apulune sassane.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

IMAMATTA 18:22

Imbaṛṛangnga esakka matatamba rundussa esakka; Ruata maddantinnu inolaanna udde.

1 TESALONIKA 4:4

Suapan esakka su wallatti yamiu ṛinone maasingkata ereapa mabbiakka ringannu awingnge wuṛṛu ringannu inolaanna apan maal᷊uassa naungngu Ruata wuṛṛu taumata.

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.