ROMA 1:11 - WUKE SUSI WATTI'U AL᷊AL᷊USASSA

¹¹ Ana waugu i ya'u mangke maapulu atonna maisasomban kamiu tadea'u i ya'u wotongnge mattahia darangngu wuassu Ghaṛṛahon Duata ipannohassa si yamiu.

ROMA 1:11 Referans Kwoze

2 PETRUS 1:12

Ana waugu udde, i ya'u siddutu mapaanaungnga si yamiu su olangnge udde, salaiwe i yamiu masingkatte wuṛṛu mangke mangngimanna al᷊aṛṛa'u Ruata apan suete nisengkammi yamiu udde.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

2 TESALONIKA 3:3

Arawe Mawu matuṛṛuta. I Tou sarun manohassa si yamiu wuṛṛu mallu'adda si yamiu wua si Lal᷊eo.

ROMA 15:29

Amungkangngu i ya'u rumanta ringannu, sulal᷊ummete i ya'u rumanta mangapiddu manambo al᷊amatta wuassi Kristus si yamiu.

1 PETRUS 5:12

Sura'u apan maautta indi ta'u niwoṛṛeta si yamiu ringannu sasumbalan Silas, apan aantimangku sangkatou tuṛṛangnga Saṛṛani apan matuṛṛuta. I ya'u maapulu mangonggolu sasasa si yamiu, wuṛṛu manohassa pangangimanni yamiu manungku apa apan ta'u niwoṛṛeta indi watti'a atonna su ola'u darangngun Duata. Ṛinone i yamiu mangke uaantimma su darangngu udde.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

WATTI'U MANGA RASUL 19:6

Wuṛṛu su tempo i Paulus nangadon lima si mangitou, Ghaṛṛahon Ruata nangintaṛṛo si mangitou, see i mangitou mannattakke uahahatto sulal᷊ummu al᷊awo'u wisara apan maatiangnga lapiddu mammasingkattu watti'u Ruata.

WATTI'U MANGA RASUL 16:5

Ne manga jamaatta udde niatambante atatohassu pangangimanne, wuṛṛu miallo-miallo a'atambanna anambone.

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

1 TESALONIKA 3:2

tantal᷊anna i yami nandolokku tuṛṛangi ite Timotius. I tou sangkatou mamamanara Duata apan mammanara suadio'a ringanni ami mammasingkatu Watti'u Al᷊al᷊uassa su ola'i Kristus. I yami nandolokki Timotius ringanni yamiu tadea'u i tou mannohassa si yamiu wuṛṛu mangonggolu sasasa si yamiu ana see lembon mangngimanna lai si Kristus.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

FILIPI 2:26

I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

2 KORINTUS 9:14

Ne i mangitou sarun umal᷊iomanni yamiu ringannu apendammu darangngu ana waugu Ruata naung-Nge lembon mapia si yamiu.

2 KORINTUS 1:21

Ruata sassane apan na'ola'a si yami wuṛṛu si yamiu uaaukka su sambau ringanni Kristus ete i Tou lai sassane apan namile si ite hunane si Tou.

ROMA 15:32

Ringannu aroddi, amungkangngu Ruata maapulu, i ya'u wotongnge rumanta ringanni yamiu, ringannu naungnga mal᷊uassa. Wuṛṛu i ya'u wotongnge maapendama al᷊al᷊uassu naungnga su pattangnganni yamiu.

ROMA 15:23

Arawe orassa indi manara'u su wageangngu manga wageangu leta'a udde nasuete. Pirate tonna nangkal᷊iu i ya'u maapulu mattembo si yamiu.

WATTI'U MANGA RASUL 19:21

Wuassu arariadianna udde, i Paulus naṛṛawessa inaite watukku Makedonia wuṛṛu Akhaya, see masal᷊ate watukku Yerusalem. “Wua'isudde,” unni Paulus, “i ya'u inaite watukku Roma apia.”

2 SAMUEL 13:39

arawe napawe i Daud tate massusa, i tou naanaungke si Absalom.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

2 SAMUEL 23:15

I Daud naanaungke ampungnga niariadianne udde wuṛṛu nabbisara, “Eh, unnuwisara i ya'u nionggol᷊annu ua'e wuassu paṛṛihi maranin ngara wahewalla su Betlehem!”

PANDARIADDI 31:30

I ya'u masingkatta manungku i'o nangingkatta udde ana waugu i'o maapulu mapul᷊e. Arawe anio i'o nanna'o paal᷊uanna mallal᷊u'adda amonangku?”

ROMA 1:12

Pandumangku eteudde ana waugu i ite su sambau buatte nangimanna Mawu Yesus Kristus, ne i ite wotongnge lai uatatohassa sangkatou ringannu sangkatou.

2 KORINTUS 1:15

Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.