REENGANNA 8:14 - WUKE SUSI WATTI'U AL᷊AL᷊USASSA

¹⁴ Ringannu lal᷊aghu udde i yamiu naṛṛae manga taumatan Lewi wuassu taumatan Israel waine, tadea'u maola'a pussa'a-U.

REENGANNA 8:14 Referans Kwoze

MALEAKHI 3:17

Mawu Apan Lembontaṛṛino nabbisara, “I mangitou sarun mabbal᷊i uma-U. Su allo udde i Ya'u mammanara, i mangitou sarun maola'a pussa'a arangnguang-Ku. I Ya'u sarun umakkanni mangitou, ere sangkatou iamangnga u'akkannu anangnge apan matuṛṛutta si tou.

REENGANNA 18:6

Mangke atonna, i Ya'u buatte namile tuṛṛangngu manga taumatan Lewi wuassu wallatu walahannu Israel maola'a aonggola si'o. I mangitou buatte niṛṛae huna-U, mangimbe su Rasang-Ku.

REENGANNA 3:45

“Ṛaea'e manga taumatan Lewi Huna-U maola'a lal᷊anna'u anambon ana'a esakka pahul᷊un Israel; see lai winatangngu taumatan Lewi maola'a lal᷊anna'u winatangngu taumatan Israel.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

TAHIUL᷊E 10:8

Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

REENGANNA 8:17

Su tempo i Ya'u namate anambon ana'a pahul᷊u su Mesir, ana'a pahul᷊u wuassu suapan amonannu Israel wuṛṛu suapan binatangnga apan niasungkangnga paarorone buatte Ta'u niola'a pussa'a-U apan niṛṛae.

REENGANNA 6:2

mangonggolu manga atoranna indi su taumatan Israel. Suapan taumata esakka ara'e wawine apan naddiandi mabbiakka hunan Mawu sassane maola'a sangkatou nazir,

REENGANNA 3:12

“Orassa indi manga taumatan Lewi nipile-U mabbal᷊i pussaa'-U. Su tempo i Ya'u namate anambon ana'a pahul᷊un balahannu Mesir, Ta'u niṛṛae anambon ana'a esakku Israel wuṛṛu anambon ana'u winatangnga apan paarorone niasungkangnga. Sarangkanambone udde pussaa-U. Maola'a hahantin manga ana'a pahul᷊un Israel, i Ya'u manganu taumatan Lewi huna-U; i mangitou sarun mabbali pussaa-U. Ete i Ya'u Mawu.”

REENGANNA 8:13

Ṛaea'e manga taumatan Lewi si Ya'u wuṛṛu doloṛṛa'e i mangitou mangimbe si Harun wuṛṛu al᷊aṛṛanangnge.

REENGANNA 3:9

Wuassu walahannu Israel, tumba'u ṛuanganni Lewi apan Ta'u niapamanara sidutu maola'a mangangimben i Harun wuṛṛu papapulunne.