REENGANNA 6:15 - WUKE SUSI WATTI'U AL᷊AL᷊USASSA

¹⁵ I tou lai ṛinone mangoggolu sangkul᷊a'a roti apan niola'a tawe nappaattu ragi, eteudde roti mal᷊imbulunna apan niola'a wuassu taponna nilo'annu lanan zaitun, wuṛṛu kukisse manipissa apan niwuṛṛannu lanan zaitun. Wal᷊ine wua'udde lai i tou ṛinone mangonggolu sasamba ia'imbe wuṛṛu sasamba a'inumanna.

REENGANNA 6:15 Referans Kwoze

IMAMATTA 2:4

Amungkangngu apan nionggola udde roti apan nilol᷊o su tampa pallol᷊oanna, roti udde ṛinone olaanna tawe ragine. Roti udde tawe wotongnge maappala, olaanna wuassu taponna al᷊ussa ringannu lanan zaitun, wotongnge lai kukisse apan tumba'u wuṛṛannu lanan zaitun.

SASABANGNGA 29:2

Wuassu taponna apan apianne, luaṛṛa'e ringannu tawe mappaattu ragine. Sangkawageanganna taponna niluakka udde ṛinone olaanna roti ringannu lanan zaitun, sangkawageanganna lai tawe mappaattu lana, wuṛṛu lambene olaanna kukisse apan wuṛṛannu lana.

REENGANNA 15:10

Hal᷊urun sasamba udde ma'al᷊uassa naungngu Mawu.

1 KORINTUS 11:26

Atonna suapan tempo i yamiu umanna roti wuṛṛu ma'inumma anggore indi, yamiu mapaasingkatu papate Mawu ma'oman sara i Tou rumanta.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

YOEL 2:14

Asinungka Mawu Ruatanu mawal᷊u ṛingiranna, wuṛṛu mangal᷊amatta si yamiu ringannu nilumambalanna. Na'oman sara i yamiu wotongnge mangonggollu sasamba sasamba anggore wuṛṛu gandumma su Mawu, Ruatanu.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YOEL 1:9

Gandumma wuṛṛu anggore nawul᷊ite wuassu Wal᷊en Mawu. Ne nilumal᷊ote manga imam, apan satia mangngimbe Mawu.

YESAYA 62:9

Arawe i yamiu apan mangngammullu pangitinganna, sarun umanna wuane wuṛṛu maddalo Mawu; wuṛṛu i yamiu apan manni'o wuan anggore, sarun ma'inumma ua'ene su rallakku Wal᷊e-U.”

IMAMATTA 9:4

Doloṛṛa'e lai i mangitou mangonggolu sambau sapi esakka wuṛṛu sambau ambinga esakka maola'a sasamban paddarame. Sarangkanambone udde ṛinone ionggoli mangitou su Mawu suadio'a ringannu sasamba ia'imbe apan pia lanane, ana waugu allo indi Mawu nirumanta ringanni mangitou.”

IMAMATTA 8:2

“Waggoite i Harun wuṛṛu manga anangnge wuṛṛu apira'e laubbu imam, lanan lal᷊aghu, sambau sapi esakka saṛṛen tumuwo maola'a sasamba ipangampunga rosa, darua domba esakka wuṛṛu sangkul᷊a'a roti tawe ragine.

IMAMATTA 7:12

Amungkangngu sasamba udde ionggola ipa'adiangkamanna, ne ringannu winatangnga udde ṛinone ionggola lai roti tawe ragine. Roti udde wotongnge maappala wuassu taponna nilo'annu lanan zaitun, wotongnge lai roti mamara manipissa apan niwuṛṛannu lana, ara'e kukisse wuassu taponna apan niola'a wuassu lanan zaitun.

REENGANNA 6:16

Imam ṛinone mangapiddu sarangkanambone udde su saruannu Mawu, ana see mangonggolu sasamba aampungnga rosa wuṛṛu sasamba itattambunna.