REENGANNA 35:25 - WUKE SUSI WATTI'U AL᷊AL᷊USASSA

^25-28 Ammul᷊annu ṛuanganna ṛinone manamba'a taumata apan buatte namate ringannu tawe nipattatudda su saruannu wawansagu manga tuṛṛangngu apan nipate. Taumata udde ṛinone iapidda apia watukku soa pattillindumanne, su tampa i tou tinumal᷊angngu watanganne. I tou ṛinone matanaa isudde ma'oman sara taumata apan su tempo udde nabbal᷊i Imam Bahewalla natete; wua'udde i tou wotongngete mapul᷊e watukku ampungnga atatanaanne. Arawe amungkangngu i tou nate su soa pattillindumanna su tampa i tou tinumal᷊angngu watanganne, ana see niasangkal᷊anna wuṛṛu nipaten tuṛṛangngu taumata apan natete, ne ola'u pabbawal᷊issa udde wal᷊inewe pamamate.

REENGANNA 35:25 Referans Kwoze

SASABANGNGA 29:7

Ana see panganute lana ipangal᷊amatta, lal᷊ina'a su wowon puane wuṛṛu lanaite i tou.

YOSUA 20:6

I tou wotongnge matana'a su soa udde ma'oman sara i tou buatte niparikisanna su saruannu awadaalla, wuṛṛu ma'oman sara taumata uaagassa Imam Bahewa su tempo udde mate. Wua'udde, wotongngete taumata udde mapul᷊e su ampungnga atatanaanne wuassuapa i tou tinumal᷊angnga.”

IMAMATTA 21:10

Imam Bahewalla buatte nitenega ringannu nallal᷊innu lanan lal᷊aghu su wowon puane wuṛṛu ringannu nalluṛṛen laubbu imam bahewalla si tou. Ana waugu udde i tou tawe wotongnge mamalan utangnge naal᷊impusutta ara'e manggesa'a laungnge maola'a tatiala lullal᷊o.

IMAMATTA 4:3

Amungkangngu na'ola'a rosa udde Imam Bahewalla, na'oman sara balahannu Israel nassal᷊ate lai, i tou ṛinone mangonggolu sambau sapi esakka saṛṛen tumuwo apan tawe angngone su saruannu Mawu tadea'u manga rosane ampunganna.

IMAMATTA 8:12

Wua'udde i Musa nanenegi Harun ringannu nallal᷊innu addio'a lanan lal᷊aghu su puane.

REENGANNA 35:24

Sulal᷊ummu manga hatto ereudde ammul᷊annu ṛuanganna ṛinone makkungngu taumata apan buatte namate, wuṛṛu taumata apan maapulu mabbal᷊issa papaten taumata apan natete.

2 SAMUEL 14:14

I ite sarangkanambone sarun mate; i ite indi naal᷊ihidda ua'e apan nabboso su leta'a wuṛṛu tate iaammulla apia. Ruata lai tawe mapaawiakku taumata apan natete; ana waugu udde ṛinone doronganna i Tuangku maṛṛingida tadea'u taumata niwuangnga udde sarun mapul᷊e apia.