REENGANNA 35:20 - WUKE SUSI WATTI'U AL᷊AL᷊USASSA

²⁰ Amungkangngu sangkatou maddantinnu taumata waine, ana see namate taumata udde ringannu niwal᷊atta ara'e nanuntungngu sambau saranapa si tou,

REENGANNA 35:20 Referans Kwoze

SASABANGNGA 21:14

Arawe amungkangngu sangkatou masa'u wuṛṛu ringannu nipattatudda mamate taumata waine, wua'udde i tou tumal᷊angnga su mezba-U tadea'u maasomba tul᷊unganna, taumata udde ṛinone al᷊apanna wuassu mezbah wuṛṛu iṛṛuumanna pateanna.

TAHIUL᷊E 19:11

“Arawe wal᷊ine lai amungkangngu sangkatou nangampanga seenne wuṛṛu ringannu nipattudda wuṛṛu naungnga lal᷊eo namate si tou, ana see tinumal᷊angnga su wallatu sambau soa tatal᷊anganna madea'a piaddu mongontolla.

2 SAMUEL 20:10

I Amasa tawe naasilo hal᷊ele su lima aiṛṛin Yoab. Inaṛṛombanganne i Yoab nangusu'u hal᷊ele su tianni Amasa, na'omna sara lal᷊oṛṛon tianne nassal᷊iawukka su leta'a. I tou nate su orassa udde lai, na'oman sara i Yoab salaiwe tate mangusu'a apia. I Yoab wuṛṛu i Abisai tuarine, sidutu mangngenggenna si Seba.

2 SAMUEL 3:27

Ne napawe i Abner na'omate su Hebron, i tou niaheanni Yoab su sandiṛṛanne, maranin ngara pasallanganna, ereola'u pia gatto iaadappingnga. Inaṛṛombanganne i Yoab nangusu'a tianni Abner na'oman sara nate. Etearoddi i Abner nate nipaten Yoab ipabbal᷊issa naungnga lal᷊eo su pamamate si Asael tuarine.

PANDARIADDI 4:8

Ana see unni i Kain si Habel, tuarine, “Wette iaddua inai su wailla.” Su tempo itarua na'omate isudde, i Kain namangalo wuṛṛu namate si Habel tuarine.

WATTI'U MANGA RASUL 23:21

Arawe arie Tuangnga madaringikka darorongngi mangitou udde, ana waugu appatu pul᷊o pia lebene taumata apan tantal᷊anna uaimbuni mangampangnga si tou su lal᷊anna. I mangitou sarangkanambone suete nassalu tawe umanna wuṛṛu ma'inumma amungkangngu i mangitou taambe naapate si Paulus. Orassa indi i mangitou nasaddiate; ete uaraṛṛaddo sasimbakki Tuangnga.”

WATTI'U MANGA RASUL 20:3

Tallu wul᷊anna al᷊annune i tou uatana'a poiaroddi. See napawe i tou uasasaddiate massenggote watukku Siria, pia batti'a manungku manga taumatan Yahudi tantal᷊anna ma'ire mamate si tou. Ana waugu udde i tou naṛṛawessa mabelengnga malliu Makedonia.

LUKAS 4:29

I mangitou dirumarisikka see nallimbuakka Mawu Yesus watukku liuddu soa, wuṛṛu niapidda su wowon rampissa, su tampa udde soa mangitou niapaarisikka. I mangitou pia pandumma manuṛṛudu Mawu Yesus su rampissa.

MARKUS 6:19

Ana waugu udde i Herodias pia naungnga lal᷊eo si Yohanes wuṛṛu maapulu mamate si Yohanes, arawe i tou tawe mapa'ola'a olangnge udde, ana waugu isassingaddi Herodes.

AMSAL 28:17

Sangkatou taṛṛa pate sarun uapendamma sidutu a'enggenanna maddatingngu papatene; tawe saran sangkatou apan wotongnge manaṛṛangnga si tou.

AMSAL 26:24

Taumata mabbinsi matemangnga manga wisarane arawe naungnge napenen bawahia.

DARALO 11:2

Ana waugu taumata lal᷊eo mangngannata al᷊ati'anne wuṛṛu nantaṛṛon anaanne ana waugu ipiti'e sutampa apan maranduma su taumata apan matul᷊idda.

2 SAMUEL 13:22

I Absalom nangune atonna si Amnon wuṛṛu tate lai maggatton tou ana waugu i tou buatte nassawa si Tamar tuarine.

1 SAMUEL 24:11

Orassa indi i Tuangnga naapendamma sassane manungku sulal᷊ummu loṛṛangnga tanginna, Mawu buatte nanantilli Tuangnga su allangngu. Allangngu buatte nisal᷊o'u sangkatou tadea'u iapapate si Tuangnga, arawe allangngu maddiri. Allangngu sinumimbakka manungku allangngu maddiri mallessa naungngu ratu apan nipilen Mawu.

1 SAMUEL 20:1

Ne i Daud tinumal᷊angke wuassu Nayot maranin Rama wuṛṛu inaite naisasomban Yonatan, ana see naiwal᷊o, “Apa pasasal᷊a'u? Al᷊al᷊eo apa apan buatte ta'u niola'a wuṛṛu apa rosa'u su saruannu iamangngu na'oman sara i tou maapulu mamate si ya'u?”

1 SAMUEL 18:25

ana see i Saul nandolokki mangitou niapawal᷊o si Daud, arendi, “Apan pappandumanni tuangnga maola'a wansan awingnga tumba'u 100 su waune pentakku pisi tawun taumatan Filistin, maola'a sambau wawal᷊issa su seetti tuangnga.” (Indi hol᷊agi Saul ipamate si Daud tadea'u isondo su taumatan Filistin.)

PANDARIADDI 4:5

arawe nanol᷊a'i Kain wuṛṛu aonggolle. I Kain mangke nasa'u atonna, wuṛṛu hatine naṛṛamutta.

REENGANNA 35:19

Manga tuṛṛangnga maranine wuassu taumata apan nipate udde wotongnge mapaamattu ṛuumanna pateanna udde. Amungkangngu i tou nasangkala iapa namate udde, i tou wotongnge mamate taumata udde.

REENGANNA 35:21

ara'e nango'a taumata udde, ne taumata udde taṛṛa pate; i tou nassal᷊a wuṛṛu ṛinone iṛṛuumanna pateanna. Manga tuṛṛangnge marani wuassu taumata apan niapate udde wotongnge mapaamattu ṛuumannu pamamate udde. Amungkangngu i tou naasangkala taṛṛa pate udde, i tou wotongnge mamate taumata udde.