REENGANNA 34:12 - WUKE SUSI WATTI'U AL᷊AL᷊USASSA

¹² wua'udde watukku timukka su al᷊o'engngu Sal᷊ukku Yordan maddatingngu Tahal᷊oangnga Nate. Eteudde wanuanu tumuṛṛuttu manga passaranna apan uapal᷊iwutta.”

REENGANNA 34:12 Referans Kwoze

REENGANNA 34:3

Su timukka, passaranna udde manattakka wuassu wadda'u Zin rumurukka su Edom. Su ra'i passaranna udde manattakka wuassu pentakku timukku Tahal᷊oangnga Nate,

PANDARIADDI 14:3

Siri lima ratu udde nabbaidda wuṛṛu nangammullu tantara mangitou su Wawal᷊annu Sidim, apan orassa indi isassago Tahal᷊oangnga Nate.

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

REENGANNA 34:11

Wua'isudde sumossoka watukku Ribla su samba'an da'in Ain, ana see masal᷊a watukku manga wuidda su apannu ra'in Danon Galilea,

REENGANNA 34:13

I Musa nabbisara su walahannu Israel, “Eteudde leta'a apan sarun sengkamanni yamiu ringannu iundi, leta'a apan tumuṛṛuttu parentan Mawu ṛinone tahianna su ṛuanganna sio mattangnga ṛuangannu su walahannu Israel.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

YOSUA 13:1

Orassa indi i Yosua timmadete atonna. Mawu nabbisara si Yosua, “I'o timmadete, Yosua! Arawe ta'e manambo wageangngu leta'a apan ṛinone aṛṛoanna:

YOSUA 15:5

Su samba'an ra'i, passaranne eteudde Tahal᷊oangnga Nate, masal᷊a watukku sawannakka maddatingngu mamoṛṛongannu Sal᷊ukku Yordan. Su samba'an sawannakka, passaranne manattakka wuassu mamoṛṛongannu Sal᷊ukku Yordan udde,

YEHEZKIEL 47:13

Mawu Apan Atanggaṛṛanne nabbisara, “Eteindi manga passarannu leta'a apan sarun tahianna su mapul᷊o dua ṛuangannu Israel. Ṛuanganni Yusuf manarimattu darua wageangnga.