REENGANNA 33:53 - WUKE SUSI WATTI'U AL᷊AL᷊USASSA

⁵³ Leta'a udde ṛinone aṛṛoanni yamiu wuṛṛu wanuanni yamiu, ana waugu udde Ta'u ionggola si yamiu.

REENGANNA 33:53 Referans Kwoze

TAHIUL᷊E 11:31

Tate mal᷊annu lai yamiu lumewessa su Sal᷊ukku Yordan wuṛṛu mamanua su leta'a apan nionggolu Mawu Ruatanu si yamiu. Napawe i yamiu buatte naatahuanna leta'a udde wuṛṛu namanua isudde,

YOSUA 21:43

Etearoddi Mawu nangonggolu ahewallu leta'a su ṛuangannu Israel apan buatte pina'ire-Ne ringannu sasalu su iupungngu al᷊amonan mangitou. Napawe naapanganute wanua udde, ṛuangannu Israel namanuate poiaroddi.

TAHIUL᷊E 32:8

Su tempo Apan Atanggaṛṛanne nattahia leta'a, suapan balahanna nitantunna wageangngu letangnge ringannu sambau Mawu maola'a matataṛṛinone.

MATIUS 20:15

Anio i ya'u tawe wotongnge ma'ola'a apulu'u su rarotongku? Ara'e i'o mannaungnga lal᷊eo ana waugu i ya'u mandangngu?’ ”

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

DANIEL 4:25

Tuangku sarun limbuaṛṛanna wuassu ammul᷊annu tumana'u soa wuṛṛu mabbiakka sutangngan manga winatangnga su wadda'a. Al᷊annune pitu tonna Tuangku sarun umanna nanal᷊o ere sapi wuṛṛu mattiilla su lete'a mal᷊al᷊angnga, ma'oman sara maṛṛolon anggukka. Wua'udde Tuangku darun manga'u manungku Ruata Apan Atanggaṛṛanne uataṛṛino su aṛṛatuannu taumata, wuṛṛu araratuanna udde nionggollu Ruata su anambon taumata apan nipile-Ne.

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DARALO 115:16

Langitta tumba'u pussa'an Mawu, arawe runia nionggolu Mawu su taumata.

TAHIUL᷊E 7:17

Asinungka i yamiu maṛṛingidda manga walahanna udde mannamboanne reenganne na'oman sara i yamiu tawe mal᷊imbuakka si mangitou.

TAHIUL᷊E 17:14

“Amungkangngu leta'a apan nionggolu Mawu Ruatanu si yamiu naola'e pussaanu, wuṛṛu i yamiu uatana'e isudde asinungka i yamiu mapulun sangkatou ratu ere lai manga walahanna apan uatana'a su al᷊indongannu.

YOSUA 23:5

Mawu Ruatanu sarun ma'ola'a manga walahanna udde pasisoṛṛota, wuṛṛu tumal᷊angnga i yamiu napawe i yamiu inai mamangalo si mangitou i yamiu sarun manahuanna wanua mangitou, ere buatte pina'iren Mawu Ruatanu si yamiu.

PANDARIADDI 15:7

Wua'udde Mawu nabbisara apia si tou, “Ete i Ya'u Mawu, apan buatte namiaṛṛangngu sinumabbangnga wuassu wanua Ur su Babilonia, tadea'u panantilannu leta'a indi si'o maola'a pusaanu.”

TAHIUL᷊E 3:18

Tempo udde i ya'u nangonggolu parenta indi si mangitou: Mawu Ruatanu nangonggola si yamiu wageangngu leta'a su samba'a ra'in Sal᷊ukku Yordan maola'a tampaatatanaannu. Arawe manga tantaranu ṛinone pia lutangnge wuṛṛu malliu Sal᷊ukku Yordan malliu dorone manga ṛuangannu Israel waine.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.