REENGANNA 33:3 - WUKE SUSI WATTI'U AL᷊AL᷊USASSA

³ Walahannu Israel nanantangngu Mesir su allo mapul᷊o l᷊ima wul᷊anna paarorone, massallo napawe Paskah paarorone nal᷊iudda. Sulal᷊ummu lu'addu Mawu i mangitou nanantangngu soan Rameses, aellehannu walahannu Mesir,

REENGANNA 33:3 Referans Kwoze

SASABANGNGA 14:8

Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

SASABANGNGA 13:4

Su allo indi, allo paarorone su wul᷊anna Abib ara'e wul᷊anna paarorone, i yamiu nanantangngu wanua Mesir.

SASABANGNGA 12:37

Taumatan Israel inaite wuṛṛu niumamattu ledda wuassu soa Raamses watukku soa Sukot. Reenganni mangitou sarangkanambone 600.000 su atoune, tawe nareengnga wawine wuṛṛu al᷊aṛṛana'a.

MIKHA 2:13

I Ya'u sarun mamu'a lal᷊anna wuṛṛu mangapiddi yamiu sumabbangnga wuassu pamamuanganna. I yamiu sarun manggohakku manga ngara wahewalla wuṛṛu umamatta ringannu tawe singkal᷊one. I Ya'u, Mawu sassane, uddewe Ratunu, wuṛṛu i Ya'u sarun mamiaṛṛa'i yamiu sumabbangnga.”

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

DARALO 105:38

Taumatan Mesir niaṛṛiaannu atata'utta wuṛṛu asasinggawanga, nariaddi i mangitou mal᷊uassa napawe taumatan Israel napul᷊ete.

SASABANGNGA 12:2

“Wul᷊anna indi maola'a wul᷊anna paarorone wuassu tonna pananaungannu.

PANDARIADDI 47:11

I Yusuf nassumbala iamangnge wuṛṛu manga tuṛṛangnge namanua su Mesir. I tou nangonggolu leta'a si mangitou maola'a pussa'a apan apianne su wanua udde, maranin soan Rameses ere buatte nirolokku ratu.

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

REENGANNA 33:2

Mawu nandolokki Musa niapawoṛṛettu arannu manga tampa apan niotonganni mangitou.