REENGANNA 31:8 - WUKE SUSI WATTI'U AL᷊AL᷊USASSA

⁸ nasutta siri lima ratun Midian, eteudde i Ewi, i Rekem, i Zur, i Hur wuṛṛu i Reba. I Bileam ana'i Beor nate lai nipate.

REENGANNA 31:8 Referans Kwoze

REENGANNA 25:15

Wawine udde aranne i Kozbi; ana'i Zur, sangkatou tembonannu ṛuanganna su Midian.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

DARALO 10:2

Ringannu mawunga taumata lal᷊eo mangngallanga taumata asiangnga; wala'ewe i mangitou mul᷊ussa su seddane sassane.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

REENGANNA 25:18

ana waugu al᷊al᷊eo apan buatte niṛṛiinni mangitou si yamiu su Peor, wuṛṛu ana waugu i Kozbi ana'u sangkatou tembonannu ṛuanganna su Midian. I Kozbi udde wawine apan nate nipate su tempo nariaddi asasusa ana waugu arariadianna su Peor.”

REENGANNA 24:25

Ana see i Bileam nandiahite inai mapul᷊e watukku tampa atatanaanne, wuṛṛu i Balak napul᷊ete lai.

REENGANNA 22:10

I Bileam sinumimbakka, “I mangitou daroloṛṛanni Ratu Balak wuassu Moab iapapasingkatta

REENGANNA 22:4

Ana see taumatan Moab nabbisara su manga piaṛṛa'u taumatan Midian, “Tate mal᷊annu lai manga taumata udde manginsue al᷊awo'u saranapa maranin kite naal᷊ihidda ere putungnga mangepoddu nannal᷊o su wadda'a.” Ne i Ratu Balak

REENGANNA 24:14

Unni Bileam si Balak, “Orassa indi ya'u inaite mapul᷊e ringannu walahangku. Arawe tantal᷊anna taambe inai, mapianne i ya'u mamasingkatta si Tuangku su ola'u apa apan sarun olaannu walahannu Israel su saruannu walahanni Tuangku su allo sal᷊immurine.”

REENGANNA 31:9

Manga taumatan Israel nanametta manga wawine wuṛṛu al᷊aṛṛana'u Midian, wuṛṛu nangaṛṛo al᷊awo'u winatangnga apapadul᷊iananne, wuṛṛu al᷊awo'u pa'a'alan mangitou.

REENGANNA 31:16

Wal᷊inewe manga wawine udde tinumuṛṛutta tatantiron Bileam, na'oman sara nassalo'u taumatan Israel su Peor ana see nanantangngu Mawu? Wuṛṛu eteudde nandatan asasusa su al᷊aṛṛana'u Mawu!

HABAKUK 3:7

I ya'u naasilo tumana'u Kusyan niarṛṛiaannu atata'utta, wuṛṛu taumatan Midian mangngiladda.

REENGANNA 22:5

nandolokku daroloṛṛanna niapawago si Bileam, ana'i Beor, apan uatana'a su soan Petor maranin Sal᷊ukku Efrat su leta'u Amau. I mangitou nirolokka niapawal᷊o si Bileam tanata indi wuassi Balak, “Asingkatewe, pia sambau walahanna nirumanta wuassu Mesir; manga taumatane nirumanta nassal᷊iawukke su al᷊awo'u tampa wuṛṛu nasaddiate mamangalo wanuan kami.

REENGANNA 23:10

Papapulunni Yakub naal᷊ihidda awu tawe iareengnga; walahannu Israel reenganne tumaniten manambo. Antimanna i ya'u mate ere sangkatou taumata matul᷊idda doronganna papate'u ere papate manga taumata udde.”

AMSAL 11:3

Taumata mapia aehetannu atatul᷊idde, taumata apan apulune mangngawusu sarun ṛimunsaannu awusune.

AMSAL 13:17

Daroloṛṛanna apan longonna mandantan asasilaka; daroloṛṛanna apan apangimananna mannal᷊amatta auntunganna.