REENGANNA 31:30 - WUKE SUSI WATTI'U AL᷊AL᷊USASSA

³⁰ Wuassu wageangnge apan nionggola su ṛuangannu Israel, ṛinone i'o manganu sambau wuassuapan liman pul᷊o mawae wuassu manga taumata nisametta, aroddi lai wuassu sapi, keledai, domba wuṛṛu ambinga. Tantil᷊a'e sarangkanambone udde su taumatan Lewi apan uapadul᷊i Rasang-Ku.”

REENGANNA 31:30 Referans Kwoze

REENGANNA 3:31

I mangitou niapamanara mallu'adda Wantallu Pa'aire, medda, leddan sol᷊o, manga mezbah, manga saranapa apan ipappaatu manga imam su Wabbo'a Susi, wuṛṛu pampele apan uasara Wabbo'a Na'ukkassa. I mangitou niapamanara al᷊awo'u manara apan pia aukke ringannu manga saranapa udde.

REENGANNA 3:25

Sulal᷊ummu mallu'adda Rasannu Mawu, i mangitou niapal᷊u'adda Rasanna wuṛṛu tataamme, mal᷊aṛṛenessa su ngara sasuttanne,

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

KOLOSE 4:17

Wuṛṛu wal᷊oa'a si Arkhipus, “Insuete manara apan nionggolla si'o ipangngimbe Mawu.”

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

1 TAWARIKH 23:32

I mangitou lai nionggol᷊annu manara iapal᷊u'adda Rasannu Mawu wuṛṛu aiapasumbala manga tuṛṛangngi mangitou, eteudde manga imam papapulunni Harun, sulal᷊ummu mappaamattu pattataṛṛamawu sutampa udde.

REENGANNA 31:28

Su aonggola apan niṛṛae si Ya'u, Mawu, wuassu wageangngu manga tantara udde ṛinone Ta'u anuanna sambau wuassuapan lima ṛasutta – mawae wuassu manga taumata nisametta, ara'e lai wuassu sapi, keledai, domba wuṛṛu ambinga.

REENGANNA 31:29

Tantil᷊a'e udde si Imam Eleazar maola'a sasamba apan niṛṛae si Ya'u, Mawu.

REENGANNA 31:31

I Musa wuṛṛu i Eleazar na'ola'a ere buatte niparentan Mawu.

REENGANNA 1:53

Arawe manga taumatan Lewi ṛinone maddasanna mamal᷊iwutta Rasang-Ku. I mangitou ṛinone mallu'adda tadea'u tawe taumata mangundanine, ma'oman sara i Ya'u masa'u wuṛṛu makkuumanna walahannu Israel.”

REENGANNA 8:26

Wua'udde i tou wotongngete massumbala taumatan Lewi waine apan mammanara sulal᷊ummu Rasang-Ku, arawe allo-allo i tou tate mammanara. Etearoddi olangnge mangatokku manara manga taumatan Lewi.”

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.

2 TAWARIKH 14:15

I mangitou lai namangalo paddasanannu mandariaga winatangnga, wuṛṛu nallurannu manambo domba wuṛṛu unta. Wua'udde i mangitou nabelengke watukku Yerusalem.