REENGANNA 31:28 - WUKE SUSI WATTI'U AL᷊AL᷊USASSA

²⁸ Su aonggola apan niṛṛae si Ya'u, Mawu, wuassu wageangngu manga tantara udde ṛinone Ta'u anuanna sambau wuassuapan lima ṛasutta – mawae wuassu manga taumata nisametta, ara'e lai wuassu sapi, keledai, domba wuṛṛu ambinga.

REENGANNA 31:28 Referans Kwoze

REENGANNA 18:26

niapapasingkattu parenta indi su taumatan Lewi; Amungkangngu i yamiu manengkamma wuassu taumatan Israel aonggola sambau wuassu mapul᷊o wuassu aonggola apan tinantillu Mawu si'o maola'a wageangngu, i yamiu ṛinone mangonggola sambau wuassu mapul᷊o saranapa udde su Mawu maola'a sasambanu.

REENGANNA 31:47

Ere buatte nirolokku Mawu, i Musa nanganu sambau wuassu liman pul᷊o su atoune taumata nasametanna wuṛṛu winatangnga papadul᷊iananna, ana see nitantilla su manga taumatan Lewi apan mammanara su Rasannu Mawu.

REENGANNA 31:30

Wuassu wageangnge apan nionggola su ṛuangannu Israel, ṛinone i'o manganu sambau wuassuapan liman pul᷊o mawae wuassu manga taumata nisametta, aroddi lai wuassu sapi, keledai, domba wuṛṛu ambinga. Tantil᷊a'e sarangkanambone udde su taumatan Lewi apan uapadul᷊i Rasang-Ku.”

MATIUS 22:21

“Kaisar,” sasimbakki mangitou. Ne Mawu Yesus nabbisara si mangitou, “Amungkangngu aroddi, onggol᷊a'e si Kaisar apa apan tatahuananni Kaisar wuṛṛu onggol᷊a'e su Ruata apa apan tatahuannu Ruata.”

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 23:18

Auntunganna wuṛṛu sewa apan aompaanne sarun tawe iaddo, arawe sarun ionggolli tou su Mawu. Manga taumata apan massubba Mawu sarun mappaattu roitta udde ipamalli anna wuṛṛu laubba apan haggausanni mangitou.

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

1 TAWARIKH 18:11

I Ratu Daud nangonggolu anambon aonggola udde su Mawu apan ipa'atta sulal᷊ummu lal᷊aghu patataṛṛamawu. Aroddi lai su manga saranapa wul᷊awanna wuṛṛu sal᷊a'a apan buatte niaṛṛon Daud si Hadadezer wuṛṛu manga walahanna apan buatte niwaddone, eteudde walahannu Edom, Moab, Amon, Filistin wuṛṛu Amalek.

YOSUA 6:24

Wua'udde tantara Israel nanutungnga ahewallu soa udde su sambau ringannu lal᷊oṛṛone sulal᷊umme na'oman sara nasue, nallambe manga saranapa wul᷊awanna, sal᷊a'a, witu'a wuṛṛu atta'a. Manga saranapa udde nianu mangitou wuṛṛu niapidda su tampa pangangadoannu darotongnga pussa'a Mawu.

YOSUA 6:19

Anambon saranapa sal᷊a'a, wul᷊awanna, witu'a wuṛṛu atta'a ṛinone iṛṛae ionggola su Mawu, wuṛṛu iaddo su tampa pangangadoannu pussa'a Mawu.”

REENGANNA 18:21

Unnu Mawu si Harun, “Al᷊aawo'u sasamba sambau wuassu mapul᷊o apan nionggolu taumatan Israel Ta'u ionggola su manga taumatan Lewi. Eteudde wageangngu pussa'an mangitou wawaekku manara mangitou su Rasang-Ku.

PANDARIADDI 14:20

Daralo su Mawu Ruata Apan Atanggaṛṛanne, apan buatte nangal᷊amatta si'o ringannu auntunganna wuassu manga seennu.” Wua'udde i Abram nangonggollu mapul᷊on kawageanganna wuassu al᷊awo'u darotongnga niaaṛṛo apan buatte niapiddi tou.

REENGANNA 31:29

Tantil᷊a'e udde si Imam Eleazar maola'a sasamba apan niṛṛae si Ya'u, Mawu.

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.

2 TAWARIKH 15:11

Su allo udde i mangitou nangonggolu sasamba su Mawu 700 sapi wuṛṛu 7.000 domba, ul᷊en niaṛṛo apan niapiddi mangitou wua napapangalo.