REENGANNA 30:2 - WUKE SUSI WATTI'U AL᷊AL᷊USASSA

² Amungkangngu sangkatou esakka maddiandi ara'e ma'ire ringannu riandi ringannu sasalu su Mawu, na'oman sara i tou uanaungnga watanganne aiitannu sambau riandi, i tou ṛinone ma'ola'a apa apan pina'irene udde, wuṛṛu tawe wotongnge mamahia.

REENGANNA 30:2 Referans Kwoze

DARALO 50:14

Onggola'e sasamba adiangkamanna su Ruata, panipusse paairenu si Tou Apan Atanggaṛṛanne.

DARALO 116:14

I ya'u sarun manipussu paaire'u si Tou su saruannu anambon al᷊aṛṛanang-Nge.

AYUB 22:27

Amungkangngu i'o umal᷊iomanna, i Tou sarun sumimbakka si'o, wuṛṛu i'o wotongnge manipussa anambon paairenu.

WATTI'U MANGA RASUL 23:12

Tiṛṛabbine ruaallo atonna, manga taumatan Yahudi, nanattakke ma'ammula. I mangitou nassalu tawe umanna ara'e ma'inumma amungkangngu i mangitou taambe naapate si Paulus.

WATTI'U MANGA RASUL 23:21

Arawe arie Tuangnga madaringikka darorongngi mangitou udde, ana waugu appatu pul᷊o pia lebene taumata apan tantal᷊anna uaimbuni mangampangnga si tou su lal᷊anna. I mangitou sarangkanambone suete nassalu tawe umanna wuṛṛu ma'inumma amungkangngu i mangitou taambe naapate si Paulus. Orassa indi i mangitou nasaddiate; ete uaraṛṛaddo sasimbakki Tuangnga.”

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

AMSAL 20:25

Paṛṛingidda paapia-pia tantal᷊anna taambe maddiandin sasamba su Mawu. Wotongnge mariaddi i'o sarun sumassilla sal᷊immurine.

DARALO 116:18

I ya'u sarun manipussu paaire'u su Mawu, su saruannu anambon al᷊aṛṛanang-Nge

DARALO 55:20

Ruata mammarenta wuassu panattaṛṛanne sarun maddaringikka si ya'u wuṛṛu namaddon mangitou. Ana waugu i mangitou maddiri mawal᷊u, wuṛṛu tawe mata'uttu Ruata.

DARALO 22:25

Ana waugu i Tou tawe ma'ellega dal᷊eo su taumata lal᷊ebone, wuṛṛu tawe mangaddio'a asasusane. I Tou tawe mabbiṛṛu wuassu taumata udde, arawe maddaringikka amungkangu i tou maiontola si Tou.

IMAMATTA 5:4

Amungkangngu pia sangkatou nassal᷊a ana waugu walate asalune nipa'ola'a al᷊awo'u manara, wuṛṛu wua'udde naatutukka pallal᷊agune.

2 KORINTUS 1:23

Ruata maola'a tiala'u – ana waugu i Tou masingkatu lal᷊oṛṛo naungku – manungku i ya'u tawe nariaddi watukku Korintus, ana waugu i ya'u maddiri ma'ola'a naungngi yamiu masusa.

DARALO 76:11

Manga taumata apan tumaniten mal᷊aṛṛaga lai maddalo Si'o, wuṛṛu apan ta'e massa'u ual᷊uṛen nasa tatiala lullal᷊o.

WATTI'U MANGA RASUL 23:14

I mangitou inaite ringannu manga imam tembonanne wuṛṛu manga piaṛṛa'u Yahudi lapiddu nabbisara, “I yami suete nassalu suadio'a, tawe umanna wuṛṛu ma'inumma saran adio'a amungkangngu i yami taambe naapate si Paulus.

MATIUS 23:18

I yamiu mangangaṛṛa'u indi lai, ‘Amungkangngu sangkatou nassalu ringannu arannu tampan sasamba, taumata udde tawe aiitannu sasalune; arawe amungkangngu i tou nassalu ringannu arannu sasamba su wowon tampane udde, i tou aiitannu sasalune udde.’

MATIUS 23:16

Nasilakate i yamiu manga piaṛṛangnge apan buta! I yamiu mangngaṛṛa'a ereindi, ‘Amungkangngu taumata massalu ringannu arannu Wal᷊e Mawu, taumata udde tawe aiitannu sasalune; arawe amungkangngu i tou nassalu ringannu arannu wul᷊awanna sulal᷊ummu Wal᷊e Mawu, i tou aiitannu sasalune udde.’

DARALO 119:106

Apan ta'u pina'ire ringannu sasalu sarun ta'u tipusanna, tadea'u ipangagassa raṛṛawen-Nu apan matul᷊idda.

DARALO 56:12

I ya'u mangngimanna si Tou, ne i ya'u tawe mata'utta, taumata tawe maal᷊ore su saruangku.

MAL᷊AṚṚUUNGNGA 11:39

Napawe nal᷊iute rua wul᷊anna, i tou nabelengke ringannu iamange, ana iamange napaamattu sarangkanambone apan buatte nipa'irene su Mawu. Ne maṛuala udde natete su tempo ta'e perawanna. Eteudde al᷊amonane anio su tangngan taumatan Israel, inanaramanne

MAL᷊AṚṚUUNGNGA 11:11

Ne i Yefta inaite suadio'a ringannu manga piaṛa'u Gilead. Wua'udde tumana'u Gilead nanenegi tou naola'a tembonanne wuṛṛu piaṛangnge. Su saruannu Mawu su Mizpa, i Yefta nabbisaran darorongnge su tumana'u Gilead.

REENGANNA 30:10

Amungkangngu sangkatou wawine apan buatte na'awingnga na'olaa'a riandi ara'e pa'aire apan maaiitta watanganne,

REENGANNA 21:2

Ana see taumatan Israel naddiandi arendi su Mawu, “Amungkangngu I'o mangonggolu aauntungnga si yami su walahanna udde, i mangitou wuṛṛu manga soan mangitou sarun ṛimunsaanni yami sara masue.”

SASABANGNGA 20:7

Imbaṛṛangnga managon arang-Ku walate asagone, ana waugu i Ya'u, Ruatanu, makkuumanni sai-sai apan walate assagoneng arang-Ku.

DARALO 15:3

apan tawe manggal᷊usa'a sansul᷊ungnge, wuṛṛu tawe ma'ola'a al᷊al᷊eo su hawene, wuṛṛu mandal᷊eo arannu al᷊indonganne;

REENGANNA 32:24

Roote pandarisikku manga soa wuṛṛu manga tanda'u dombanu, wuṛṛu imbaṛṛangnga maabul᷊i manipussa paaire apan buatte pina'iren kamiu udde!”