REENGANNA 29:39 - WUKE SUSI WATTI'U AL᷊AL᷊USASSA

³⁹ Eteudde manga atoranna su ola'u sasamba itattambunna, sasamba ia'imbe, sasamba ua'en anggore, see sasamban paddarame apan ṛinone ionggoli yamiu su Mawu su manga rameanu apan buatte nitantunna. Manga sasamba udde maola'a tatambane su manga sasamba apan ionggoli yamiu ipamaekka riandi ara'e sasamba apulun naungnga.

REENGANNA 29:39 Referans Kwoze

IMAMATTA 23:2

manga atoranna su ola'u ramean agama, apan ṛinone iapasingkatta maola'a allo wahewa ipattaṛṛamaawu.

2 TAWARIKH 31:3

Wuassu winatangnga papadul᷊iananne sassane ratu nangonggolu manga winatangnga apan pappandumanna ipaatta su sasamba itattambunna suapan marua allo wuṛṛu waawallo, wuṛṛu su sasamba apan ionggola su allon Sabat, su ramean Bul᷊anna Wakku, wuṛṛu su manga ramea waine ere buatte tinantunna sulal᷊ummu manga titan Mawu.

1 TAWARIKH 23:31

wuṛṛu lai suapan tempo napawe pia sasamba apan itattambunna ionggola su Mawu su allon Sabat, su ramean Bul᷊anna Wakku, wuṛṛu su manga ramea waine. Su ola'u reengannu taumatan Lewi apan ṛinone mammanara miallo-miallo, buatte lai niolaanna atoranne. Saran mal᷊annu-l᷊annu taumatan Lewi mappaamattu manara udde.

NEHEMIA 10:33

I yami sarun manaddia hausannu patataṛṛamawu su Wal᷊en Mawu, eteudde: roti sasaru, sasamba gandumma mamiallo, winatangnga maola'a sasamba itattambunna mamiallo, sasamba susi waine, manga sasamba aampungnga rosan Israel, wuṛṛu al᷊awo'u manga apa pappandummanna hunan Wal᷊en Mawu.

EZRA 3:5

Wal᷊ine wua'udde lai i mangitou ringannu uaatokka mangonggollu sasamba itattambunna see sasamba su Allo Wahewan Bul᷊anna Wakku, wuṛṛu su anambon allo wahewalla waine apan niola'a ipassubba Mawu. I mangitou lai mangngonggollu sasamba walate apulun naungnga su Mawu.

IMAMATTA 7:11

Eteindi manga atoranna su ola'u sasamban paddarame apan ionggola su Mawu.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

TAHIUL᷊E 12:6

Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.

REENGANNA 6:21

Eteudde atorana su taumata nazir; arawe amungkangngu sangkatou tembonanne maddiandin sasamba apan nilumambalanna wuassu atorannu riandine, i tou ṛinone manuungnga ringannu naṛṛino apa apan nipa'irene udde.

IMAMATTA 23:28

Arie pammanara, ana waugu allo udde allo pangampunganna rosa, tadea'u i yamiu maasomba aampungnga su saruannu Ruatanu.

REENGANNA 29:40

I Musa namasingkatta su walahannu Israel sarangkanambone apan nirolokku Mawu si tou.

AMOS 5:22

Amungkangngu i yamiu mangapiddu sasamba itattambunna wuṛṛu gandumma, i Ya'u maddiri manengkamma. I Ya'u maddiri manengkamma manga winatangngu apan mangkatawa udde apan ionggolli yamiu si Ya'u maola'a sasamban paddareme.

IMAMATTA 23:38

Manga ramea udde tatambane manga su allon Sabat wiasa, nariaddi manga sasamba udde eteudde lai tatambane aonggola wiasa, su sasambanu ipanubbussa riandi, ara'e sasamba tawe iwata'a apan ionggoli i yamiu su Mawu.

REENGANNA 28:2

niapasingkatta su walahannu Israel manungku i mangitou ṛinone manutukka ringannu maadunna tadea'u suapan tempo apan tinantunna, ionggola manga sasamba erenai anna apan ma'al᷊uassa naungngu Mawu.

2 TAWARIKH 31:14

Kore ana'i Yimna, sangkatou taumatan Lewi apan naola'a tembonannu mandariaga su Ngara Wahewallu Ra'i su Wal᷊en Mawu, tinantil᷊annu manara mannengkamma manga aonggola apan ia'onggola su Mawu ana see i tou lai nattahiate.

EZRA 3:4

I mangitou lai nallagu Allo Wahewallu Rasannu Rongnga, uasul᷊ungngu atoranna; wuṛṛu miallo-miallo mangngonggollu sasamba apan buatte nitantunna su allo udde.