REENGANNA 28:3 - WUKE SUSI WATTI'U AL᷊AL᷊USASSA

³ Indiwe sasamba apan ionggola su Mawu; Su sasamba mamiallo, darua ana'u domba esakka uukke santonna wuṛṛu tawe sangkule,

REENGANNA 28:3 Referans Kwoze

IMAMATTA 6:9

niapaonggola si Harun wuṛṛu manga anangnge manga atoranna indi su ola'u sasamba apan sarangkanambone itattambunna. Imam ṛinone mangandangngu sasamba itattambunna su wowon mezbah wuṛṛu niwala isudde su al᷊o'engngu ṛabbi, wuṛṛu putungnge sidutu luṛṛenggamma.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

DANIEL 8:13

Wua'udde i ya'u naaringikka sangkatou mala'ekatta nabbisara iapa waine, “Maddatingngu tiangngera sarangkanambone apan aasiloanna sulal᷊ummu sondapa udde aasiloanna? Maddatingngu tingngera tantaran surga wuṛṛu wal᷊en patataṛṛamawuanna udde mangke laṛṛindanna?”

IBRANI 9:6

Aroddite sarangkanambone niatokka. Miallo-miallo manga imam sussutta sulal᷊ummu wageangngu saruannu rasanna udde mappaamattu manara mangitou.

IMAMATTA 3:5

sarangkanambone udde suadio'a ringannu sasamba itattambunna waine, ṛinone itambunna su wowon mezbah. Hal᷊urun sasamba anna udde ma'al᷊uassa naungngu Mawu.

REENGANNA 28:4

sambau maola'a sasamban marua' allo wuṛṛu sambau lai maola'a sasamban bawallo.

REENGANNA 28:10

Sasamba itattambunna udde ṛinone ionggola suapan allon Sabat maola'a tatamban sasamba miallo-miallo suadio'a ringannu ua'en anggore.

REENGANNA 28:15

Maola'a tatambane su sasamba itattambunna udde mamiallo ringannu sasamba ua'en anggore, ṛinone i yamiu mangonggolu lai sambau ambinga esakka maola'a sasamba ipangampungnga rosa.

REENGANNA 28:23

Anambon sasamba udde maola'a tatamban sasamba su wiasane marua'allo.

REENGANNA 28:24

Ringannu olangnge udde lai yamiu ṛinone mangonggola su Mawu sasamba itattambunna al᷊annune pitu allo. Sasamba udde maola'a tatambane su sasamba itattambunna mamiallo ringannu sasamba ua'en anggore. Hal᷊urun sasamba udde ma'al᷊uassa naungngu Mawu.

REENGANNA 28:31

Manga sasamba udde suadio'a ringannu sasamba anggore maola'a tatambane su sasamba itattambunna mamiallo wuṛṛu su sasamba ia'imbe.

REENGANNA 29:6

Manga sasamba udde maola'a sasamba itattambunna apan ionggola suadio'a ringannu sasamba ia'imbene, su allo paarorone suapan bul᷊anna. See lai maola'a tatambane su sasamba itattambunna mamiallo apan ionggola suadio'a ringannu sasamba ia'imbe wuṛṛu sasamba ua'en anggore. Hal᷊urun sasamba itattambunna udde ma'al᷊uassa naungngu Mawu.

REENGANNA 29:11

Onggol᷊a'e lai ambinga esakka sambau hunan lal᷊aghu pangangampungnga rosan taumata, wal᷊ine wuassu sasamba ipangampungnga rosa wuṛṛu sasamba itattambunna mamiallo see lai sasamba ia'imbe wuṛṛu sasamba ua'en anggore apan nionggola su allo udde.

REENGANNA 29:16

Wal᷊ine wua'udde onggol᷊a'e lai sambau ambinga esakka maola'a sasamba aampungnga rosa. Sasamba udde maola'a tatambane su sasamba itattambunna mamiallo wuṛṛu sasamba ua'e anggore.

1 TAWARIKH 16:40

Suapan marua' allo wuṛṛu wawallo i mangitou ṛinone mangonggolu sasamba itattambunna su meddan sasamba ere su manga tita apan nionggolu Mawu su taumatan Israel.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

EZRA 3:5

Wal᷊ine wua'udde lai i mangitou ringannu uaatokka mangonggollu sasamba itattambunna see sasamba su Allo Wahewan Bul᷊anna Wakku, wuṛṛu su anambon allo wahewalla waine apan niola'a ipassubba Mawu. I mangitou lai mangngonggollu sasamba walate apulun naungnga su Mawu.

AMOS 4:4

Mawu Apan Atanggaṛṛanne nabbisara, “Ei umattu Israel! Roote watukku tampa patataṛṛamawuanna su Betel, wuṛṛu pa'ola'e rosa isudde! Roote watuku Gilgal, wuṛṛu pa'ola'e rosa walate apulun naungngu! Pangonggollen sasamba suapan marua allo, wuṛṛu pangapiddu sepere mapul᷊o wuassu al᷊awo'u hessin inasaharannu suapan tallu allo!

DANIEL 8:11

Ewe'e lai i tou mannal᷊u'atta panglima tantaran surga, napaaddon sasamba ia'onggolla miallo-miallo apan ia'onggolla su panglima udde, wuṛṛu napaaṛṛan wal᷊en patataṛṛamawuanna si tou.