REENGANNA 27:20 - WUKE SUSI WATTI'U AL᷊AL᷊USASSA

²⁰ Tantil᷊a'e si tou sambageanganna wuassu taṛṛinonu, tadea'u ṛuangannu Israel maddaringikka si tou.

REENGANNA 27:20 Referans Kwoze

1 TAWARIKH 29:25

Mawu na'ola'a anambon tumanangnge tinumiangnga si Ratu Salomo wuṛṛu na'ola'a si tou ratu apan lembon matohassa wuassu anambon datu apan buatte namarenta Israel.

1 TAWARIKH 29:23

Ne ere naola'a pinallol᷊ossa si Daud iamangnge, i Salomo niuma'iantte su araratuanna apan buatte nitantunnu Mawu. I tou ratu apan mauntungnga masomakka wuṛṛu a'addatannu anambon walahannu Israel.

2 MARARATU 2:15

Siri liman pul᷊o nabi su Yerikho naasilo si tou ana see nabbisara, “Taṛṛinon Elia naal᷊inte si Elisa!” I mangitou nirumanta ringanni Elisa ana see niumal᷊intudda su saruanne

1 SAMUEL 10:9

Tawe nal᷊annu napawe i Saul nanantangngi Samuel, i Saul nanengkamma pallal᷊aghu wakku wuassu Ruata. Wuṛṛu anambon watti'a apan niapasingkatti Samuel si tou nariaddi su allo udde lai.

1 SAMUEL 10:6

Su orassa udde lai i'o sarun intaṛṛuannu Ghaṛṛahon Mawu wuṛṛu i'o lai sarun massal᷊aingnga wuṛṛu mangngintul᷊i, ana see i'o onggol᷊annu pallal᷊agu wakku na'oman sara maola'a taumata al᷊aṛṛaene.

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

REENGANNA 27:19

Pararisiṛṛa'e i tou su saruanni Imam Eleazar wuṛṛu anambon balaga. Su saruanni mangitou sarangkanambone i'o ṛinone mamasingkatta manungku i Yosua pinallol᷊ossa si'o.

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”