REENGANNA 27:18 - WUKE SUSI WATTI'U AL᷊AL᷊USASSA

¹⁸ Unnu Mawu si Musa, “Waggoite i Yosua, ana'i Nun. I tou sangkatou apan pande. Andanga'e limanu su wowon puane.

REENGANNA 27:18 Referans Kwoze

TAHIUL᷊E 34:9

Mawu nangonggola si Yosua ana'i Nun ringannu apapande ana waugu i tou buatte nita'en Musa pinallol᷊ossa si tou. Walahannu Israel mararingikka si Yosua wuṛṛu mappaamattu manga parentane apan nionggolu Mawu si mangitou apan niapawal᷊o si Musa.

REENGANNA 27:23

Ana see i tou nangandangngu limane su wowon puan Yosua wuṛṛu namasingkatta manungku i Yosua pinallol᷊ossa si tou, ere buatte niwal᷊on Mawu si tou.

PANDARIADDI 41:38

Ana see ratu nabbisara si mangitou, “I ite tawe maasomba taumata waine apan botongnge maasampal᷊iu si Yusuf, ana waugu i tou aehetannu ghaṛṛahon Duata.”

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

WATTI'U MANGA RASUL 19:6

Wuṛṛu su tempo i Paulus nangadon lima si mangitou, Ghaṛṛahon Ruata nangintaṛṛo si mangitou, see i mangitou mannattakke uahahatto sulal᷊ummu al᷊awo'u wisara apan maatiangnga lapiddu mammasingkattu watti'u Ruata.

MAL᷊AṚṚUUNGNGA 3:10

Ghaṛaho Mawu uataṛino si Otniel na'oman sara i tou naola'a piaṛa'u walahannu Israel. I tou inaite napapangalo, ana see Mawu napaauntungngi tou su ratun Mesopotamia udde.

TAHIUL᷊E 3:28

Onggol᷊ete manga tatantiro i Yosua. Paatanaa'a naungnge, ana waugu ete i tou apan mamiaṛṛa'u walahanna udde watukku samba'a wuṛṛu mangintaṛṛo su wanua apan aellehannu udde.’

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

DANIEL 5:14

I ya'u naaringikka, manungku i'o niintaṛṛoannu ghaṛṛahom mongana apan susi, wuṛṛu manungku i'o pia asingkatta, pasasunna, wuṛṛu apande apan lembon wahewalla.

MAL᷊AṚṚUUNGNGA 11:29

Wua'udde Ghaṛṛahon Mawu nangintaṛo si Yefta. Ne i Yefta inaite nattembo leta'u Gilead wuṛṛu Manasye wua'udde nabelengnga watukku Mizpa su Gilead. Wua' isudde i tou nanassukku amatanne watukku leta'u walahannu Amon.

IBRANI 6:2

ara'e pinangianannu al᷊aṛṛa'a su ola'u pananaṛṛani ara'e mangaddon lima su wowon taumata, ara'e su ola'u mabbiakka apia napawe natete, ara'e ṛuumanna saran mal᷊annu-l᷊annu.

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

WATTI'U MANGA RASUL 13:3

Napawe suete nappuasa wuṛṛu inumal᷊iomanna, i mangitou nangandangngu lima si Barnabas wuṛṛu si Saulus see nandoloken tarua.

WATTI'U MANGA RASUL 6:6

Siri pitu udde niapidda su manga rasul, see manga rasul udde inumal᷊iomanna wuṛṛu nadorongnga al᷊amattu Mawu rumanta si mangitou.

WATTI'U MANGA RASUL 6:3

Nariaddi, mappianne manga tuṛṛangnga mamile wuassu wallatti yamiu sire pitu apan pallal᷊agune mapia wuṛṛu pia taṛṛinon Ghaṛṛaho Ruata see lai pande, apan botongnge iapamanarang kami mangatokku hatto indi;

1 SAMUEL 16:18

Naaringikka udde sangkatou allangnge nabbisara, “Isai, sangkatou taumatan Betlehem pia sangkatou ana'a esakka apan pande mannalangnga musikka. I tou waṛṛani wuṛṛu sangkatou taumata apan mapia. Wuṛṛu i tou lai matohassa see lai pande mabbisara, wuṛṛu Mawu sidutu mantul᷊ungngi tou.”

REENGANNA 13:16

Eteudde matataṛṛaso'o apan nirolokki Musa iapal᷊inge wanua udde. I Hosea ana'i Nun aranne niwal᷊u Musa nabbal᷊i Yosua.

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

SASABANGNGA 17:9

Unni Musa si Yosua, “Pamilete manga siri pira taumata inai mamangalo taumatan Amalek. Tiṛṛabbi ya'u sarun dumarisikka su puiddu wuidda mangagassa ta'inna apan niapaapiddu Mawu.”

TAHIUL᷊E 1:37

I yamiu lai naaola'a Mawu nasa'u si ya'u wuṛṛu nabbisara, ‘Musa, i'o lai sarun tawe maasutta su wanua udde.

TAHIUL᷊E 31:3

Mawu Ruatanu sassane sarun umamatta malliu ṛoro wuṛṛu mamate manga walahanna apan uatana'a isudde, ma'oman sara i yamiu wotongnge mamanua su leta'i mangitou. I Yosua sarun maola'a piaṛṛa'i yamiu, ere buatte niwal᷊on Mawu.

TAHIUL᷊E 3:21

Ana see i ya'u nabbisara si Yosua: I'o buatte naasilo sarangkanambone apan buatte niola'u Mawu Ruatanu si Sihon wuṛṛu si Og, ruan katou ratu udde. Aroddi lai i Tou sarun ma'ola'a manga ratu apan letangnge anuanni yamiu.

TAHIUL᷊E 31:14

Wua'udde Mawu nabbisara si Musa, “Tate mal᷊annu i'o mabbiakka. Nariaddi wagoite i Yosua wuṛṛu apira'e i tou watukku Rasang-Ku, tadea'u i Ya'u wotongnge mangonggolu manga tatantiro si tou.” Ne i Musa wuṛṛu i Yosua inaite watukku Rasannu Mawu,

YOSUA 1:17

Yami sarun matuṛṛutta si'o, ere lai yami sidutu tuttuṛṛuta si Musa. Antimanna Mawu Ruatanu maṛundingannu ere i Tou uaṛṛundinganna si Musa!

1 TAWARIKH 7:27

i Nun, i Yosua.