REENGANNA 26:62 - WUKE SUSI WATTI'U AL᷊AL᷊USASSA

⁶² Esakka wuassu ṛuanganni Lewi apan uukke sambul᷊anna ire'e sarangakanambone 23.000 su atoune. I mangitou niwoṛṛetta ual᷊aṛṛae wuassu manga taumata sambalahanne, ana waugu i mangitou tawe naasomba leta'a pussa'a su Israel.

REENGANNA 26:62 Referans Kwoze

TAHIUL᷊E 10:9

Ana waugu udde ṛuanganni Lewi tawe nanengkamma leta'a pussa'a ere manga ṛuanganna wal᷊ine, ana waugu ete Mawu wageangnga pussa'an mangitou, ere buatte niwal᷊on Mawu Ruatanu si mangitou.)

REENGANNA 3:39

Anambon esakka sulal᷊ummu ṛuanganni Lewi apan uukke sambul᷊anna ire'e apan niwoṛṛetti Musa tumuṛṛuttu ṛuangannu sambau-sambau wuassu parentan Mawu, sarangkanambone 22.000 su atoune.

REENGANNA 1:49

“Su tempo i'o mandeengngu arannu manga taumata apan botongnge maola'a tantara, ṛuanganni Lewi lasa'e pabboṛṛeta'a.

YOSUA 14:3

Leta'a su samba'an ra'in Sal᷊ukku Yordan buatte nionggoli Musa su ṛuanganna darua mattangnga waine udde. (Ṛinone iwoṛṛetta isindi manungku papapulunni Yusuf, nattahia su lal᷊ummu ṛuanganna darua: Ṛuanganni Manasye wuṛṛu ṛuanganni Efraim.) Su ola'u ṛuanganni Lewi, tawe leta'a nionggoli Musa si mangitou. I mangitou tumba'u nionggol᷊annu manga soa tampa atatanaanna, ringannu manga wadda'a pabbuwunanna sapi wuṛṛu domba mangitou.

YOSUA 13:33

Arawe ṛuanganni Lewi tawe naasomba leta'a saran kadio'a wuassi Musa. I Musa nabbisara si mangitou manungku tahia apan nionggola si mangitou eteudde wuassu manga sasamba apan nionggola su Mawu Ruatan Israel.

YOSUA 13:14

Ṛuanganni Lewi tawe nanengkamma wageangnge leta'a wuassi Musa, ana waugu Mawu buatte nabbal᷊o si Musa manungku wageangngu ṛuanganni Lewi eteudde wuassu manga sasamba itattambunna su mezbah apan ionggola su Mawu Ruatan Israel.

REENGANNA 4:27

I Musa wuṛṛu i Harun ṛinone uariaga tadea'u manara apan tinantilli Harun wuṛṛu al᷊aṛṛanangnge su manga taumatan Gerson udde manaranna, wuṛṛu anambon saranapa apan iapidda, ṛinone ṛootanna.

REENGANNA 1:47

Manga taumatan Lewi tawe niwoṛṛetta suadio'a ringannu manga ṛuanganna waine,

REENGANNA 26:63

Eteudde reenganna apan niola'i Musa wuṛṛu Imam Eleazar su ola'u manga ṛuangannu Israel su tempo i mangitou na'ola'a pandareengnga su ratakku Moab su samba'an Sal᷊ukku Yordan maranin soan Yerikho.