REENGANNA 23:20 - WUKE SUSI WATTI'U AL᷊AL᷊USASSA

²⁰ I ya'u nirolokka mangal᷊amatta; wuṛṛu amungkangngu Ruata mangal᷊amatta, tawe ta'u aul᷊eanna apia.

REENGANNA 23:20 Referans Kwoze

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

YESAYA 43:13

saran mal᷊annu-l᷊annu i Ya'u sidutu Ruata. Taweddu mal᷊iu wuassu taṛṛino-U, ara'e manal᷊are ṛiing-Ku.”

REENGANNA 22:18

Arawe i Bileam sinumimbakka, “Salaiwe anambon sal᷊a'a ara'e wul᷊awanna apan uaraddo sulal᷊ummu wal᷊en araratuanni Ratu Balak ipamaekka si ya'u, i ya'u tawe maal᷊awangnga parentan Mawu, Ruata apan sassubbangku. Salaiwe tumba'u su hatto addio'a i ya'u tawe mapaanal᷊are.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

REENGANNA 22:38

I Bileam sinumimbakka, “Ne, orassa indi ya'u nirumantate. Arawe i ya'u tawe taṛṛino mabbisaran al᷊awo'u wisara tumba'u amungkangngu Mawu mandolo'u iapawisara.”

PANDARIADDI 27:33

Ahewallu wadangngi Ishak mangngindote, wuṛṛu i tou naiwal᷊o, “Amungkangngu aroddi, isai apan buatte nilumul᷊u winatangnga wuṛṛu niapidda si ya'u tanginna? I ya'u buatte niumanna tantal᷊anna i'o taambe nirumanta. Ana see i ya'u buatte nangonggolu al᷊ama'u panginsueanne si tou, ne orassa indi naola'e pussaane saran mal᷊annu-l᷊annu.”

REENGANNA 6:27

Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

1 TAWARIKH 17:27

Ana waugu udde, i ya'u sumal᷊ande, doronganna mangal᷊amatta papapulungku tadea'u saran mal᷊annu-l᷊annu i mangitou sidutu uapendamma darangngu-Nu. Ana waugu, I'o buatte nangal᷊amatta al᷊aṛṛanang-Ngu, oh Mawu, ne i mangitou sidutu sarun al᷊amatanna saran mal᷊annu-l᷊annu.”