REENGANNA 22:31 - WUKE SUSI WATTI'U AL᷊AL᷊USASSA

³¹ Ana see Mawu na'ola'a si Bileam wotongnge maasilo mala'ekattu Mawu uarisikka isudde ringannu hal᷊ele sasawutanna. I Bileam apiddu niumal᷊intudda su leta'a wuṛṛu nassubba.

REENGANNA 22:31 Referans Kwoze

PANDARIADDI 21:19

Ana see Ruata na'ola'a si Hagar naatutukka ringannu masemakka, na'oman sara i tou naasilo sambau paṛṛihi. Ne i tou inaite ana see nalloṛṛateng kua'e supato'a pisi udde, ana see anangnge niapa'inumpe.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

LUKAS 24:31

Wua'udde naatutukke i mangitou manungku udde Mawu Yesus. Arawe i Tou nattingkawul᷊i wuassu aellegi mangitou.

LUKAS 24:16

I mangitou naasilo Mawu Yesus, arawe piaddu naal᷊imbatta na'oman sara i mangitou tawe naaillal᷊a Mawu Yesus.

YOHANES 18:6

Su tempo Mawu Yesus nabbisara si mangitou, “Ete i Ya'u indi,” i mangitou sarangkanambone sinumoṛṛota see naṛṛa'a su leta'a.

DARALO 9:20

Darisikke, Mawu, paṛṛuungken manga walahanna, arie pabbala'a taumata mammungan batanganne.

1 TAWARIKH 21:16

I Daud naasilo mala'ekatta udde tuttalla'a suwallatu langitta wuṛṛu runia. Ringannu uaagassa hal᷊ele, mala'ekatta udde nasaddiate makkimunsa'a Yerusalem. Ne i Daud wuṛṛu manga matatimmadu tumanangnge, apan sutempo udde tantal᷊anna ual᷊uṛṛen laubba karongnga maola'a tatiala sussassila, niumal᷊intudda su leta'a.

REENGANNA 24:16

apan buatte naaringikka wisaran Duata, apan botongnge maaillal᷊a Apan Atanggaṛṛanne; apan naasilo sondappa wuassu Apan Lembontaṛṛino apiddu naṛṛa'a arawe mata uaalla.

REENGANNA 24:4

apan buatte naddaringikka manga wisaran Mawu Duata wuṛṛu naasilo sondappa wuassu Apan Lembontaṛṛino, apiddu naṛṛa'a, arawe ringannu mata uaalla.

SASABANGNGA 34:8

Orassa udde lai i Musa niumal᷊intudda nassubba.

REENGANNA 22:30

Sasimbakku keledai udde, “Wal᷊inewe i ya'u indi keledain Tuangnga apan ro'en paaororone sasa'eanni Tuangnga? Angerate i ya'u nilumawangnga si Tuangnga?” “Tawe,” sasimbakki Bileam.

YOSUA 5:13

Su sambau tempo i Yosua su tampa maranin Yerikho. Inaṛṛombanganne i tou naasilo sangkatou esakka uarisikka su saruanne ringannu hal᷊ele sasawutanna. I Yosua nangundanin taumata udde, wuṛṛu naiwal᷊o, “I'o indi hawe ara'e seetta?”

YOSUA 5:14

“Wal᷊ine hawe wuṛṛu lai wal᷊ine seetta;” sasimbakku taumata udde. “I Ya'u nirumanta isindi naola'a sangkatou tembonannu tantara Mawu.” Naaringikka udde i Yosua lapiddu niumal᷊intudda nasubba taumata udde. I Yosua nabbisara, “I ya'u indi allangi Tuangnga. Apa apan botongnge ta'u olaanna si Tuangnga?”