REENGANNA 21:7 - WUKE SUSI WATTI'U AL᷊AL᷊USASSA

⁷ Ana see walahanna udde nirumantate sinumaruanna si Musa wuṛṛu nabbisara, “Yami buatte na'ola'a rosa ana waugu sussamboṛṛe su Mawu wuṛṛu si'o. Al᷊iomante su Mawu tadea'u manga atoanna iapaarau wuassi yami.” Ne i Musa niumal᷊iomannu walahanna udde.

REENGANNA 21:7 Referans Kwoze

WATTI'U MANGA RASUL 8:24

See i Simon nabbisara si Petrus wuṛṛu si Yohanes, “Tul᷊unga'a padorongnga su Mawu tadea'u tawe saran sambau wuassu wisara manga tuṛṛangnga udde mariaddi su riri'u.”

DARALO 78:34

Suapan Ruata mamate manga pira suwallati mangitou, ingana'a waine sinumassilla wuṛṛu nabelengnga ringanni Tou.

REENGANNA 11:2

Manga taumata mangngintul᷊i ma'iontolla si Musa. Ana see i Musa inumal᷊iomanna su Mawu, ne putungnga udde nappaddumpe.

SASABANGNGA 8:8

Ratu namago si Musa wuṛṛu si Harun, wuṛṛu nabbisara, “Aal᷊iomante su mawunu tadea'u i Tou mapaawul᷊in manga aakka indi, ne i ya'u sarun mamalan walahan-Ne inai mangonggolu sasamba su Mawu.”

1 MARARATU 13:6

Ana see Ratu Yerobeam nabbisara nabi udde, “Tul᷊unga'a al᷊iomana'a su Mawu Ruatanu huna'u. Paddarongkeaakkan-Ne tadea'u ta'ia'u mapia!” Ne nabi udde niumal᷊iomante su Mawu, ana see napiate ta'iakku ratu.

SASABANGNGA 8:28

Ratu nabbisara, “Aroddite, i ya'u mamalan kamiu inai watukku wadda'a mangonggolu sassamba su Mawu, Ruatanu, addonganne i yamiu tawe umamatta marau. Paanaunge, a'al᷊iomana'awe i ya'u!”

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

ROMA 10:1

Manga tuṛṛangnga! I ya'u maapulu atonna tadea'u walahangku masal᷊amatta. Wuṛṛu i ya'u atonna-tonna u'al᷊iomanna su Ruata huna mangitou.

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

YEREMIA 37:3

Ratu Zedekia nandolokki Yukhal ana'i Selemya, wuṛṛu Imam Zefanya ana'i Maaseya tadea'u maddorongnga si ya'u umal᷊iomanna su Mawu Ruata hunan hausannu walahanna.

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

AYUB 42:10

Wua'udde, napawe i Ayub niumal᷊iomannu siri tallu hawene, Mawu na'ola'a si tou naala apia wuṛṛu nangonggolla si tou paarua anambone wuassu anambon pussa'ane dorone.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

1 SAMUEL 15:30

I Saul sinumimbakka, “I ya'u narosate. Arawe tul᷊unga'a Papa, pabbelengke suadio'a ringangku tadea'u ya'u wotongnge mattaṛṛamawu su Mawu Ruata Iamangnga. Ringannu aroddi i Papa mangngaddatta si ya'u su saruannu manga piaṛṛa'u pabbawala'u wuṛṛu su saruannu anambon taumatan Israel.”

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.

TAHIUL᷊E 9:20

Mawu lai mangke nasa'u atonna si Harun na'oman sara i Tou lai pateante, ne i ya'u niumal᷊iomanni tou lai.

SASABANGNGA 32:30

Tiṛṛabbine i Musa nabbisara su walahanna udde, “I yamiu buatte na'ola'a rosa wahewalla. Arawe orassa indi ya'u sarun suma'a wowone udde apia sumaruanna Mawu; doronganna i ya'u maasomba aampungngu manga rosanu.”

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?

PANDARIADDI 20:7

Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

PANDARIADDI 20:17

Mawu buatte napatinnan anambon bawine su wal᷊en araratuanni Abimelekh ana waugu arariadianna si Sara, awingngi Abraham udde. Ana see i Abraham niumal᷊iomanna su Ruata, wuṛṛu Ruata napaapian Abimelekh, awingnge wuṛṛu manga allangnge wawine, na'oman sara manga wawine udde wotongnge mapangunsiwe apia.

2 MARARATU 13:4

Ana see i Yoahas niumal᷊iomanna su Mawu, ne Mawu naddaringikka aal᷊iomanne udde, ana waugu Mawu na'ellega aroddi al᷊aṛṛage ratun Siria mammarenta taumatan Israel.

YESAYA 26:16

I'o buatte nakkuumanni yami; sulal᷊ummu asasusa i yami nabelengnga ringan-Nu, wuṛṛu niumal᷊iomanna Si'o, Mawu.

SASABANGNGA 8:4

Manga aakka udde sarun sumulo'a wuṛṛu umawitta si'o, anambon mammamanaran aratuannu wuṛṛu tumana'u araratuanna.’ ”

SASABANGNGA 10:17

Ampungewe rosa'u paassa indi, wuṛṛu aal᷊iomante su Mawu Ruatanu, tadea'u i Tou mangal᷊appa wuassia'u ṛuumanna apan ma'apate indi.”