REENGANNA 21:24 - WUKE SUSI WATTI'U AL᷊AL᷊USASSA

²⁴ Arawe sulal᷊ummu pangalo udde manambo tantaran Amori nipaten taumatan Israel. Ana see taumatan Israel naapangaṛṛo leta'i mangitou wuassu Sal᷊ukku Arnon maddatingngu Sal᷊ukku Yabok, eteudde passarannu leta'u taumatan Amon, ana waugu passaranna udde matohassa riagane.

REENGANNA 21:24 Referans Kwoze

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.

DARALO 136:19

Sihon, ratun Amori; darangngu-Ne tawe panguddusanne;

NEHEMIA 9:22

I'o mangonggollu auntunganna si mangitou su anambon araratuanna wuṛṛu walahanna su passarannu leta'i mangitou. Hesybon wanuan Ratu Sihon, niwanuanni mangitou; Basan wanuan Ratu Og, niatanaanni mangitou.

YOSUA 24:8

Ana see i Ya'u nangapiddi yamiu watukku wanuan taumatan Amori apan uatana'a su samba'a da'in Sal᷊ukku Yordan. I mangitou namangalo si yamiu, arawe i Ya'u napaauntungi yamiu. I yamiu naapangaṛo wanuan mangitou, wuṛṛu i Ya'u namate si mangitou.

PANDARIADDI 32:22

Su ṛabbi udde lai i Yakub napu'ote ana see nangapiddu ruan katou awingnge, awingnge su liudde wuṛṛu siri mapul᷊o assa anangnge, tinumumbe Sal᷊ukku Yabok.

MAL᷊AṚṚUUNGNGA 21:8

Ne i mangitou namarikissa tanne pia samba wageangnga wuassu walahannu Israel apan tawe inai na'ammula su Mizpa. Ne i mangitou naaratinga manungku manga taumatan Yabes su Gilead, tawedu saran sangkatou apan inai naammula su Mizpa.

YOSUA 9:10

wuṛṛu su ola'u apa apan niolange su saruannu ruan katou ratun Amori su samba'an da'in Yordan eteudde i Sihon ratun Hesybon wuṛṛu i Og ratun Basan apan uatana'a su Asytarot.

TAHIUL᷊E 29:7

Wuṛṛu su tempo i ite na'omate su tampa indi, Ratun Sihon wuassu Hesybon wuṛṛu Ratu Og wuassu Basan nirumanta namangalo si ite. Arawe i ite namaddon mangitou.

TAHIUL᷊E 3:16

Wuṛṛu su ṛuanganni Ruben wuṛṛu i Gad ta'u nionggol᷊annu wageangngu leta'a suwallatu Gilead wuṛṛu Sal᷊ukku Arnon. Pattangngannu sal᷊ukka udde maola'a passaranni mangitou su samba'an timukka, ewe'e su sawannakka passaranni mangitou Sal᷊ukku Yabok, wuṛṛu sambageanganna lai maola'a passarannu wanuan taumatan Amon.

REENGANNA 21:13

Wua'isudde i mangitou inaite lai wuṛṛu naddasanna su samba'an Sal᷊ukku Arnon, su wadda'a apan addone su leta'u taumatan Amori. Sal᷊ukku Arnon udde naola'a passarannu leta'u taumatan Moab wuṛṛu leta'u taumatan Amori.

YOSUA 13:12

Wageangngi mangitou lai nasutta leta'a paparentanni Ratu Og, taumatan Refaim apan panginsueanne naparenta su Asytarot wuṛṛu Edrei. I Musa buatte namaddo manga balahanna udde wuṛṛu nallimbuakka si mangitou niapassabangnga wuassu leta'i mangitou.

MAL᷊AṚṚUUNGNGA 11:13

Ratun balahannu Amon sinumimbakka manga daroloṛanna udde, “Su tempo ruangannu Israel nirumanta wuassu Mesir, i mangitou nanganu leta'i yami, nanattakka wuassu Sal᷊ukku Arnon naddatingngu Sal᷊ukku Yabok wuṛṛu Sal᷊ukku Yordan. Orassa indi ul᷊la'e leta'a udde ringannu paddarame.”

TAHIUL᷊E 1:4

Udde nariaddi napawe i Musa mamaddon Sihon, ratun taumatan Amori, apan uaparenta su soa Hesybon, wuṛṛu Og, ratun Basan, apan uaparenta su manga soa Asytarot wuṛṛu Edrei.

TAHIUL᷊E 31:4

Mawu sarun mamate manga walahanna udde, ere lai i Tou namaddon Sihon wuṛṛu i Og, ratun taumatan Amori, lapiddu nakkimunsa'a wanuan mangitou.

MAL᷊AṚṚUUNGNGA 10:11

Mawu sinumimbakka, “Dorone i yamiu niallangngu balahannu Mesir, Amori, Amon, Filistin, Sidon, Amalek wuṛṛu walahannu Maon. Ana see su tempo udde i yamiu sinumal᷊ande lai si Ya'u, are? Angngerate i Ya'u tawe nanal᷊amatta si yamiu wuassu taṛinon mangitou?