REENGANNA 21:16 - WUKE SUSI WATTI'U AL᷊AL᷊USASSA

¹⁶ Wua'isudde i mangitou inaite watukku tampa apan isassago Beer, atappasanne manga paṛṛihi. Isudde Mawu buatte nabbisara si Musa, “Doloṛṛa'e ṛuanganna paammul᷊a'a; i Ya'u sarun mangonggolu ua'e si mangitou.”

REENGANNA 21:16 Referans Kwoze

REENGANNA 20:8

“Anute ta'inna apan uaraddo su saruannu Wantallu Pa'aire, ana see iradduan Harun ṛinone mangammulu anambon ṛuaganna. Su saruanni mangitou sarangkanambone, i'o pabbisara su wuiddu watu isudde tadea'u mapassabbangngu ua'e. Etearoddi i'o mapasasabbangngu ua'e wuassu wuiddu watu udde tadea'u tumanangnge wuṛṛu winatangngi mangitou wotongnge ma'inumma.”

YESAYA 12:3

Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

YESAYA 43:20

Winatangnga matengnga sarun mamantuga si Ya'u; serigala wuṛṛu manu'a unta sarun maddalo si Ya'u ana waugu i Ya'u napa'elekku ua'e su wadda'u anne, wuṛṛu manga sal᷊ukka su wadda'a mal᷊alangnga tadea'u mapa'inummu umatta nipile-U.

MAL᷊AṚṚUUNGNGA 9:21

Wua'udde i Yotam tinumal᷊angke ana see natana'e su Beer, ana waugu i tou matta'utti Abimelekh, tuṛangnge udde.

SASABANGNGA 17:6

I Ya'u sarun rumarisikka su saruannu su wowon sambau watu wahewa su Wowon Sinai. Puulle watu udde, ne ua'e sarun sumabbangnga na'oman sara manga taumata udde wotongngete ma'inumma.” I Musa na'ola'a aroddi aellehannu manga piaṛṛa'u Israel.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

PANDARIADDI 21:19

Ana see Ruata na'ola'a si Hagar naatutukka ringannu masemakka, na'oman sara i tou naasilo sambau paṛṛihi. Ne i tou inaite ana see nalloṛṛateng kua'e supato'a pisi udde, ana see anangnge niapa'inumpe.

YESAYA 15:8

Suapan tampa su passarannu Moab niaringiṛṛanna aintul᷊i. Lal᷊uai udde niaringikka su Eglaim wuṛṛu Beer-Elim.