REENGANNA 20:21 - WUKE SUSI WATTI'U AL᷊AL᷊USASSA

²¹ Ne manga taumatan Israel nabelengke wuṛṛu naddea'e lal᷊anna wal᷊ine ana waaugu tawe niwalan taumatan Edom sumabbi leta'i mangitou.

REENGANNA 20:21 Referans Kwoze

MAL᷊AṚṚUUNGNGA 11:18

Wua'udde i mangitou nanassukku amatanne sinumabbi wadda'u anne, arawe tawe sinumabbi Edom wuṛṛu Moab, ewe'e nanganu lal᷊anna namal᷊iwutta na'oman sara na'omate su Moab sambaane ra'i, su samba'an Sal᷊ukku Arnon. I mangitou naddasanna poiaroddi, arawe tawe tinumumbe sal᷊ukka udde, ana waugu leta'a udde ta'e nasutta leta'u taumatan Moab.

TAHIUL᷊E 2:29

ma'oman sara yami lumewessa Sal᷊ukku Yordan inai sumutta watukku wanua apan nionggolu Mawu Ruatan kami si yami. Papapulunni Esau apan uatana'a su Edom wuṛṛu taumatan Moab apan uatana'a su Ar buatte lai namalan kami sumabbi leta'i mangitou.’

MAL᷊AṚṚUUNGNGA 11:24

Wuṛṛu orassa indi, udde anuannu apia? Leta'a apan nionggoli Kamos, mongannu udde, si'o wotongngete sidutu tatahuananni yamiu. Arawe apa apan buatte nionggolu Mawu, Ruatan kami si yami, udde sarun tahuananni yami.

TAHIUL᷊E 23:7

Imbaṛṛangnga mangadio'a taumatan Edom ana waugu i mangitou udde tuṛṛangngu. Imbaṛṛangnga lai mangadio'a taumatan Mesir, ana waugu i yamiu buatte natana'a su wanuan mangitou.

TAHIUL᷊E 2:27

‘Wala'awe yami sumabbi wanuan Tuangku. Yami tawe umotongnga wuṛṛu tawe sumewadda wuassu lal᷊anna wahewalla.

REENGANNA 21:23

Arawe i Ratu Sihon tawe namalan manga taumatan Israel sumabbi wanuane. I tou nangammulu tantarane ana see inaite watukku Yahas su wadda'a wuṛṛu namangalote taumatan Israel isudde.

MAL᷊AṚṚUUNGNGA 11:17

Wua'udde i mangitou nandolokku taumata inai ringannu ratun Edom niaparoronga tadea'u wotongnge sumabbi wanuane. Arawe i tou lai tawe namalan mangitou. Wua'udde naddorongnga lai su ratun Moab, arawe i tou lai tawe namalan mangitou sumabbi wanuane. Ana waugu udde ruangannu Israel natana'e su Kades.

REENGANNA 21:4

Wua'udde taumatan Israel nanantangken Wowon Hor, wuṛṛu nanganu lal᷊anna mattuddan Eṛṛessannu Akaba, tadea'u mamal᷊iwutta wageangngu leta'u Edom. Arawe su tangngan dal᷊anna, walahanna udde niasueannu asasabarene,

2 TAWARIKH 20:10

Orassa indi walahannu Amon, Moab wuṛṛu Edom mammangalo si yami. Sutempo al᷊amonan kami nirumanta wuassu Mesir, I'o tawe namalan mangitou mamanua su wanuan manga walahanna udde. Ne al᷊amonan kami nanganu lal᷊anna namal᷊iwutta wuṛṛu tawe namate walahannu Amon, Moab wuṛṛu Edom udde.