REENGANNA 19:16 - WUKE SUSI WATTI'U AL᷊AL᷊USASSA

¹⁶ Suapan taumata apan naeṛṛetannu asuangngu taumata mate pateanna, ara'e nate sassane su wailla, mabbal᷊i ma'arantinna al᷊annune pitu allo. Aroddi lai taumata apan nangeṛṛetta labbingnga ara'e duṛṛi taumata nate.

REENGANNA 19:16 Referans Kwoze

MATIUS 23:27

Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu naal᷊ihidda ere manga holangnga apan niwuṛṛannu mawira; su liudde ellehanna maṛṛansangnga, arawe sulal᷊umme napenen duṛṛi wuṛṛu sarangkanambone apan mawuku'a.

REENGANNA 31:19

Wuṛṛu i yamiu sarangkanambone apan buatte namate taumata ara'e nangindinga asuangnga ṛinone matana'a su liuddu paddasananna al᷊annune pitu allo. Su allo atallune wuṛṛu allo appitune i yamiu wuṛṛu anambon bawine apan niasametti yamiu ṛinone ma'ola'a lal᷊aghun pangangukassa wadangnga.

LUKAS 11:44

Nasilakate i yamiu! I yamiu ere lal᷊abinganna tawe aranne, apan raṛṛindannu taumata awagananna.”

REENGANNA 19:11

Taumata apan nangeṛṛetta asuangnga mabbal᷊i ma'arantinna al᷊annune pitu allo.

REENGANNA 19:15

Anambon bowongnga wuṛṛu urinna apan tawe tataamme lai mabbal᷊i ma'arantinna.

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

IMAMATTA 21:1

Mawu nandolokki Musa niapawal᷊on parenta indi su manga imam papapulunni Harun, “Sangkatou imam tawe wotongnge mandal᷊eo watanganne ana waugu nirumanta nallaghun pallal᷊abingngu manga tuṛṛangnge,

REENGANNA 5:2

“Onggol᷊a'e parenta indi su taumatan Israel; Anambon taumata apan pia radangnge su pisi apan ma'al᷊iu, ara'e radda'u esakka, ara'e buatte namita asuangnga, ṛinone iapasabbangnga wuassu paddasanannu taumatan Israel.

REENGANNA 6:6

Utangnge udde maola'a sambau tatiala manungku i tou niṛṛae hunan Duata. Su al᷊annune riandine udde, i tou tawe wotongnge mandal᷊eo watanganne; imbaṛṛangnga mangundani winal᷊unanna, salaiwe udde winal᷊unannu iamangnge, inangnge, ara'e tuṛṛangnge.

REENGANNA 9:6

Arawe su wallati mangitou pia manga siri pira taumata ma'arantinna ana waugu buatte namita asuangnga, na'oman sara tate wotongnge mallaghun Paskah su allo udde. I mangitou udde inaite simemaruanna si Musa wuṛṛu si Harun,

YEHEZKIEL 44:26

Napawe i tou nawaresite apia, i tou ṛinone maṛṛaddo pitu allo lai,