REENGANNA 18:20 - WUKE SUSI WATTI'U AL᷊AL᷊USASSA

²⁰ Mawu nabbisara lai si Harun, “I yamiu tawe maasomba pussa'a sarangkadio'a. Su wanua apan nipa'ire-U udde tawe santampa leta'a apan maola'a tatahuanannu. I Ya'u, Mawu, uddewe wageangngu pussa'anu.”

REENGANNA 18:20 Referans Kwoze

YEHEZKIEL 44:28

Manga imam nanengkamma manara imam udde maola'a wageangnga si mangitou wuassuapa apan Ta'u nionggolla su Israel maṛṛana'a mappulunna. I mangitou imbaṛṛangnga manahuanna manga apa su Israel: Ete i Ya'u darotongngi mangitou.

TAHIUL᷊E 10:9

Ana waugu udde ṛuanganni Lewi tawe nanengkamma leta'a pussa'a ere manga ṛuanganna wal᷊ine, ana waugu ete Mawu wageangnga pussa'an mangitou, ere buatte niwal᷊on Mawu Ruatanu si mangitou.)

YOSUA 13:33

Arawe ṛuanganni Lewi tawe naasomba leta'a saran kadio'a wuassi Musa. I Musa nabbisara si mangitou manungku tahia apan nionggola si mangitou eteudde wuassu manga sasamba apan nionggola su Mawu Ruatan Israel.

LAL᷊ALLU 3:24

Mawu uddewe darotongku tutune. Ana waugu udde, i ya'u uaantimma si Tou.

YOSUA 14:3

Leta'a su samba'an ra'in Sal᷊ukku Yordan buatte nionggoli Musa su ṛuanganna darua mattangnga waine udde. (Ṛinone iwoṛṛetta isindi manungku papapulunni Yusuf, nattahia su lal᷊ummu ṛuanganna darua: Ṛuanganni Manasye wuṛṛu ṛuanganni Efraim.) Su ola'u ṛuanganni Lewi, tawe leta'a nionggoli Musa si mangitou. I mangitou tumba'u nionggol᷊annu manga soa tampa atatanaanna, ringannu manga wadda'a pabbuwunanna sapi wuṛṛu domba mangitou.

TAHIUL᷊E 14:27

Imbaṛṛangnga mamalan taumatan Lewi apa uawanua su manga soanu masusa; naungete manungku i mangitou udde tawe uatahuanna leta'a sassane.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

DARALO 142:5

Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

DARALO 16:5

Mawu, tumba'u I'o tatahuanangku; I'o nangonggolu sarangkanambone apan pappandumangku, wia'u tumba'u sulal᷊ummu lima-Nu.

YOSUA 18:7

Tumba'u ṛuanganni Lewi tawe maassomba tahia leta'a suadio'a ringanni yamiu, ana waugu wageangngi mangitou eteudde maola'a manga imam mangangimbe Mawu. Wuṛṛu suola'u ṛuanganni Gad, i Ruben wuṛṛu sangkawageanganna ṛuanganni Manasye, i mangitou buatte nanengkamma wageangnge su samba'a ra'in Sal᷊ukku Yordan. I Musa allangu Mawu, buatte nangonggolu leta'a udde si mangitou.”

DARALO 73:26

Salaiwe niawa'u wadangku mabbal᷊i lome, ete I'o atatoha'u, oh Ruata; Ete I'o wuassu sarangkanambone apan tatahuanangku saran mal᷊annu-l᷊annu.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

REENGANNA 26:62

Esakka wuassu ṛuanganni Lewi apan uukke sambul᷊anna ire'e sarangakanambone 23.000 su atoune. I mangitou niwoṛṛetta ual᷊aṛṛae wuassu manga taumata sambalahanne, ana waugu i mangitou tawe naasomba leta'a pussa'a su Israel.

YOSUA 13:14

Ṛuanganni Lewi tawe nanengkamma wageangnge leta'a wuassi Musa, ana waugu Mawu buatte nabbal᷊o si Musa manungku wageangngu ṛuanganni Lewi eteudde wuassu manga sasamba itattambunna su mezbah apan ionggola su Mawu Ruatan Israel.

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

REENGANNA 18:7

Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”