REENGANNA 16:1 - WUKE SUSI WATTI'U AL᷊AL᷊USASSA

^1-2 I Korah ana'i Yizhar wuassu ṛuanganni Kehat, ṛuanganni Lewi, nilumawangnga si Musa. I tou nilal᷊imannu siri tallu wuassu ṛuanganni Ruben, eteudde i Datan wuṛṛu i Abiram manga ana'i Eliab, wuṛṛu i On ana'i Pelet, wuṛṛu lai 250 su atoune piaṛṛangnge apan tinumelengnga nipilen tumana'u wanua.

REENGANNA 16:1 Referans Kwoze

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

TAHIUL᷊E 11:6

I yamiu lai maanaungnga apa niola'u Mawu si Datan wuṛṛu si Abiram, manga ana'i Eliab wuassu ṛuanganni Ruben. Su saruanni yamiu sarangkanambone, runia napesangnga ana see nangallupa si mangitou sangkamonanna, rasanna, anambon allangnga wuṛṛu winatangngi mangitou.

SASABANGNGA 6:21

I Uziel lai pia siri tallu ana'a esakka; i Misael, i Elsafan wuṛṛu i Sitri.

REENGANNA 27:3

“Iamangngi yami natete su wadda'a, i tou tawe ana'a esakka. I tou wal᷊ine mallal᷊aṛṛenggeni Korah apan nilumawangnga Mawu. Iamangngi yami udde nate ana waugu rosane sassane.

SASABANGNGA 6:18

I Merari pia ana'a esakka darua; i Mahli wuṛṛu i Musi. Eteudde manga amonanna sulal᷊ummu ṛuanganni Lewi ringannu papapulunni mangitou sambau-sambau.

REENGANNA 15:41

Ete i Ya'u Ruatanu; i Ya'u nangapiddi yamiu sinumabbangnga wuassu Mesir tadea'u i Ya'u mabbal᷊i Ruatanu, ete i Ya'u Mawu.”

DARALO 106:16

Su wadda'a udde i mangitou naungnge lal᷊eo si Musa wuṛṛu si Harun allang-Nge apan susi.

SASABANGNGA 6:16

I Gerson pia ana'a esakka darua; i Libni wuṛṛu i Simei; i mangitou uatahuanna manambo papapulunna.