REENGANNA 15:20 - WUKE SUSI WATTI'U AL᷊AL᷊USASSA

²⁰ Amungkangngu i yamiu mallol᷊o roti wuassu gandumma apan paarorone itinganna, roti udde ṛinone ionggola maola'a sasamba al᷊aṛṛaene su Mawu. Lal᷊anne mangonggola uasul᷊ungngu lai mangonggolu sasamba gandumma paarorone nihilingngi yamiu.

REENGANNA 15:20 Referans Kwoze

IMAMATTA 2:14

Amungkangngu i yamiu mangonggola su Mawu gandumma paarorone niitingngi yamiu, apira'e gandumma wakku apan buatte niwalu al᷊ussa ara'e nitapa.

SASABANGNGA 34:26

Suapan tonna i yamiu ṛinone mangapidda watukku Wal᷊en Mawu Ruatanu wua paarorone wuassu hessin letangngu. Ṛemessu ana'u domba ara'e ana'u ambinga tawe wotongnge lahannu ua'en susun inangnge.”

YEHEZKIEL 44:30

Manga imam ṛinone onggol᷊annu wageangnge apan apianne wuassu al᷊awo'u hessi pangitinganna apan paarorone, wuṛṛu wuassu al᷊awo'u apa apan nionggolla si Ya'u. Suapan balahannu Israel ma'ola'a roti, ne roti paarorone udde wuattu manga imam. Ne i Ya'u sarun mangal᷊amatta manga wal᷊en balahannu Israel.

NEHEMIA 10:37

I yami sarun mangapidda su manga imam su Wal᷊en Mawu taponna wuassu gandumma apan paarorone niitingnga suapan tonna, see lai manga sasamba waine erenai anggore, lanan zaitun wuṛṛu al᷊awo'u hatin wuan aaluanna. Sasamba sepere mapul᷊o wuassu hessin wawail᷊anni yami sarun iapiddi yami su manga taumatan Lewi apan malluṛṛu manga sasamba sepere mapul᷊o su manga soan pabbail᷊anna.

SASABANGNGA 23:19

Suapan tonna i yamiu ṛinone mangapidda watukku wal᷊en Ruatanu gandumma paarorone apan niitingngi yamiu. Ṛemessu ana'u domba ara'e ana'u ambingnga tawe wotongnge lahannu ua'en susun inangnge.”

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

1 KORINTUS 15:20

Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

ROMA 11:16

Amungkangngu roti sampaddi apan paarorone buatte nionggola su Ruata, udde atappasanne rotine sarangkanambone udde nionggola su Ruata lai. Wuṛṛu amungkangngu ṛamuttu alu udde lai pussa'an Duata udde atappasanne manga rannane lai pussaa-Ne.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

TAHIUL᷊E 14:22

“Suapan tonna i yamiu ṛinone manggaingnga sepere mapul᷊o wuassu anambon inasaharannu.

REENGANNA 18:12

Ta'u ionggola si'o sarangkanambone apan apianne wuassu pangitinganna paarorone apan ionggolu taumatan Israel si Ya'u suapan tonna, eteudde lanan zaitun, ua'e anggore wuṛṛu gandumma.

IMAMATTA 23:20

Roti wuṛṛu darua ana'u domba udde ṛinone ionggolu imam maola'a sasamba iatogokka su Mawu, wuṛṛu udde maola'a wageangngu imam. Manga sasamba udde susi.

REENGANNA 15:21

Saran mal᷊annu-l᷊annu suapan doti wuassu gandumma apan paarorone itinganna udde ṛinone ronggoli yamiu maola'a sasamba al᷊aṛṛaene su Mawu.

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

TAHIUL᷊E 16:13

“Napawe anambon gandumma buatte niitingnga wuṛṛu anambon wuan anggore buatte nipakka, i yamiu ṛinone maddamean Andeangngu Rasannu Rongnga al᷊annune pitu allo.

IMAMATTA 2:12

Wuassu hessin leta'a paarorone suapan tonna, sambageanganna ṛinone ionggola su Mawu, arawe tawe wotongnge tutunganna su wowon mezbah.