REENGANNA 14:22 - WUKE SUSI WATTI'U AL᷊AL᷊USASSA

²² manungku wuassu manga taumata indi tawe saran sangkatou apan ta'e wiakka sumutta su wanua apan Ta'u pina'ire su iupungngu al᷊amona mangitou. Ana waugu i mangitou maddiri tumuṛṛutta si Ya'u, wuṛṛu sidutu mammal᷊intongnga si Ya'u. Sumbal᷊i i mangitou naasilote semaaka wuassu Mawu apan lullansiangnga, wuṛṛu manga al᷊aṛṛindu'a apan Ta'u niola'a su Mesir wuṛṛu su wadda'a.

REENGANNA 14:22 Referans Kwoze

AYUB 19:3

Masokkate i yamiu mangngal᷊uandaga si ya'u, wuṛṛu i yamiu mammate si ya'u ringannu tawe masili.

DARALO 106:26

Ne ringannu sasalu i Tou naddiandi sarun mamate si mangitou su wadda'a.

PANDARIADDI 31:7

Salaiwe aroddi ya'u buatte niawusuanne wuṛṛu i tou namal᷊u lal᷊antakke na'oman sara paapul᷊o awawone. Arawe Ruata tawe namalan tou ma'ola'a al᷊al᷊eo si ya'u.

SASABANGNGA 32:1

Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

SASABANGNGA 17:2

Ana see i mangitou sussawutulle si Musa wuṛṛu nabbisara, “Yami onggol᷊ewen ua'e pa'inumanna.” I Musa sinumimbakka, “Anio i yamiu sussawutulla wuṛṛu mannal᷊u'atta Mawu?”

IBRANI 3:9

‘Poiaroddi iupungngu al᷊amonanu namono'a si Ya'u, wuṛṛu nanalu'atta si Ya'u,’ unnu Ruata, ‘sumbal᷊i i mangitou naasilote inolaang-Ku appatu pul᷊o su tonnane al᷊annune.’

1 KORINTUS 10:9

I ite tawe wotongnge maannamma Mawu ere buatte niola'u sangkawageanganna wuassi mangitou rorone, na'oman sara i mangitou nate nipul᷊issu atoana mawisa.

1 KORINTUS 10:5

Salaiwe aroddi, Ruata tawe mal᷊uassa wuassu anamboanne su wallatti mangitou, ana waugu udde manga winal᷊unanni mangitou uatal᷊eṛṛongnga su wadda'a.

MATIUS 4:7

Mawu Yesus sinumimbakka, “Arawe sulal᷊ummu Wuke Susi uawoṛṛetta lai, ‘Imbaṛṛangnga i'o mamono'a Mawu Ruatanu.’ ”

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

DARALO 106:14

Su wadda'a i mangitou niawono'annu apulun naungnga, wuṛṛu mannal᷊u'atta Ruata.

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

SASABANGNGA 14:11

Unni mangitou si Musa, “Apa su Mesir tawe labbingnga, na'oman sara i'o nangapiddi yami tadea'u mate su tampa indi? Pa'ellege ana waugu inolaannu udde!

PANDARIADDI 31:41

Etearoddi ya'u su tempo mammanara ringanni Papa al᷊annune naṛṛattubba ruan pul᷊o su tonnane. Mapul᷊o appata su tonnane al᷊annune i ya'u mammanara tadea'u maasomba ruan katou ana'i Papa udde wuṛṛu annumu tonna lai tadea'u maasomba ammul᷊annu ambinga domba udde. Wuṛṛu al᷊annune udde lai i Papa namal᷊u lal᷊antakke nihaingnga paapul᷊o wuassu lal᷊antakke paarorone.

SASABANGNGA 5:21

Unnu manga mandore udde, “Mawu masingkattu inolaannu! I Tou sarun makkuumanni raddua! Ete iraddua apan naaola'a si yami nipadantinnu ratu wuṛṛu manga mamanarane, na'oman sara i mangitou mamate si yami.”

SASABANGNGA 15:24

Ne manga taumata udde sussawutulle si Musa wuṛṛu naiwal᷊o, “Apate inumanni ite?”

SASABANGNGA 16:2

Su wadda'a udde i mangitou sarangkanambone sussawutulla si Musa wuṛṛu si Harun.

SASABANGNGA 17:3

Arawe manga taumata udde mangke tumaniten marou wuṛṛu i mangitou sidutu sussawutulla si Musa. Unni mangitou, “Anio i'o nangapiddi yami sinumabbangnga wuassu Mesir? Tadea'u yami, manga ana'i yami wuṛṛu winatangngi yami mate marou?”

SASABANGNGA 17:7

Tampa udde nisaggo Masa ana waugu ete su tampa udde taumatan Israel nanal᷊u'atta Mawu su tempo i mangitou naiwal᷊o, “Tanne Mawu uarundinganna si ite ara'e tawe?” Tampa udde lai isassago Meriba ana waugu su tampa udde taumatan Israel sussawutulla.

REENGANNA 11:1

Su sambau allo walahanna udde manattakke sussal᷊iomanna su Mawu su ola'u asasusa mangitou. Naaringikka manga sasal᷊iomanna udde, Mawu nasa'u wuṛṛu nandantan putungnga si mangitou. Putungnga udde nilumewa su wallati mangitou wuṛṛu nanutungnga sambageanganna wuassu paddasananna.

REENGANNA 11:4

Sulal᷊ummu amatannu manga taumatan Israel udde, pia lai manga taumata raho apan tinumantalongnga. I mangitou mal᷊utu uminassa ṛemessa, wuṛṛu taumatan Israel manattakke sussamboṛṛe. Unni mangitou, “Uare, annama'e i ite awuṛṛu pia ṛemessa!

REENGANNA 12:1

I Musa buatte nanganu sangkatou wawinen wuassu Kus nabbal᷊i awingnge, wuṛṛu olangnge udde niola'a panaal᷊anne si Miryam wuṛṛu si Harun mapasal᷊a Musa.

REENGANNA 14:2

I mangitou sussamboṛṛe si Musa wuṛṛu si Harun wuṛṛu nabbisara, “Mappianne i ite nate su Mesir ara'e su wadda'a indi! Mappianne i ite mate!

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

DARALO 78:41

Masokka-sokka i mangitou manal᷊u'atta Ruata, mapasusa Apan Susi, Ruatan Israel.

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

REENGANNA 32:12

Anambon taumata niaṛṛinoannu ṛuumanna udde tabbene i Kaleb ana'i Yefune, taumatan i Kenas, wuṛṛu i Yosua ana'i Nun, ana waugu itarua sidutu matuṛṛutta su Mawu.

YESAYA 42:20

Israel, manambo apan aellehannu, arawe i'o tawe manutukka, tal᷊inganu wawu'anna, arawe i'o tawe maddaringikka.”