REENGANNA 14:18 - WUKE SUSI WATTI'U AL᷊AL᷊USASSA

¹⁸ ‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

REENGANNA 14:18 Referans Kwoze

DARALO 145:8

Mawu udde marangngu wuṛṛu maakkanna, mal᷊annu masa'u wuṛṛu sidutu marangngu.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

DARALO 103:8

Ana waugu Mawu marangngu wuṛṛu maakkanna, i Tou masabare wuṛṛu darangngu-Ne uatinnalunna.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

SASABANGNGA 20:6

Arawe i Ya'u mapal᷊iatta'u darangngu-U su ṛiwune papapulunnu manga taumata marangngu si Ya'u wuṛṛu matuṛṛutta tita-U.

REENGANNA 14:17

Ana waugu udde, Mawu, i ya'u sumal᷊ande, papal᷊iattea'e taṛṛino-Nu si yami wuṛṛu paamata'e sarangkanambone apan buatte nipa'ire-Nu. I'o buatte nabbisara,

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

TAHIUL᷊E 5:10

Arawe i Ya'u mapal᷊iatta'u darangngu-U su ṛiwune papapulunne wuassu manga taumata apan mandangngu si Ya'u wuṛṛu matuṛṛutta parenta-U.

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.

TAHIUL᷊E 7:10

Arawe ringannu tawe humago'a i Tou makkuumanni mangitou apan maddantinni Tou.

NEHEMIA 9:17

I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

DARALO 108:4

Mawu, i ya'u maapulu maadiangkamanna Si'o suwallatu manga walahanna. I ya'u maapulu mangantarin daralo Si'o suwallatu umattu taumata.

DARALO 109:14

Wala'e al᷊al᷊eon al᷊amonane sidutu nanaungannu Mawu, wuṛṛu rosan inangngene tawe pappasanna.

AYUB 21:19

I yamiu mabbisara, “Ana'a niṛṛuumannu Ruata ana waugu rosan kiamangnge.” Arawe wisara'u: Ete taumata marosa udde sarun iṛṛuumannu Ruata, tadea'u i mangitou maatutukka manungku udde ana waugu rosan mangitou, ne Ruata nandantan ṛuuman-Ne.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

YEREMIA 32:18

I'o napal᷊iatta'u darangngu-Nu apan tutune su ṛiwune taumata, arawe I'o lai makkuumannu taumata ana waugu rosan hagurangnge. I'o Ruata apan mawantuga wuṛṛu matohassa; aran-Nu Mawu Apan Lembontaṛṛino.

LAL᷊ALLU 5:7

Al᷊amonan kami na'ola'a rosa, orassa indi i mangitou tate su runia; arawe i yami ṛinone matataṛṛangnga, ana waugu manga rosan mangitou.