REENGANNA 12:7 - WUKE SUSI WATTI'U AL᷊AL᷊USASSA

⁷ Arawe tawe aroddi su allang-Ku i Musa. Ete i tou taumata apan atuṛṛutanne su wallatu al᷊aṛṛana-U.

REENGANNA 12:7 Referans Kwoze

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

DARALO 105:26

Ana see i Tou nandolokki Musa allang-Nge wuṛṛu i Harun taumata nipile-Ne.

YOSUA 1:1

Napawe i Musa natete, allangngu Mawu udde, Mawu nabbisara su tepelli Musa eteudde Yosua ana'i Nun.

MATIUS 11:11

Naunge! Su runia indi taambe sangkatou taumata nangillembo wuassi Yohanes Mananaṛṛani. Salaiwe aroddi taumata apan addio'anne wuassu wallattu al᷊aṛṛana'u Ruata, nanampal᷊iu wuassi Yohanes.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

WATTI'U MANGA RASUL 7:31

I Musa naherangnga naasilo olangnge udde, na'oman sara i tou inaite nangundani tadea'u maasingkatta apa nariaddi udde. See i tou naaringikka tingikku Mawu nabbisara,

MATIUS 11:9

Nariaddi anio i yamiu inai su wadda'a? Inai ma'ellega sangkatou nabi? Atonna i tou nangillembo wuassu sangkatou nabi.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.

TAHIUL᷊E 34:5

Ana see i Musa natete allangngu Mawu udde su leta'u Moab, ere buatte niwisaran Mawu paarorone.

YOSUA 1:2

Mawu nabbisara, “Allang-Ku i Musa natete. Ne orassa indi mappianne i'o wuṛṛu anambon ṛuangannu Israel pandiahite inai tumumbe Sal᷊ukku Yordan, wuṛṛu sumutta su leta'a apan Ta'u ionggola si yamiu.

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

SASABANGNGA 33:11

Mawu uahahatton Musa ringannu uahahati, naal᷊ihidda taumata uahahatton yawene. Wua'udde i Musa nabbelengke su paddasananna. Arawe i Yosua ana'i Nun, sangkatou umbasanna ual᷊al᷊ima si Musa, sidutu uatana'a sulal᷊ummu Rasanna udde.