REENGANNA 12:2 - WUKE SUSI WATTI'U AL᷊AL᷊USASSA

² Unni tarua, “Apa tumba'u wuassi Musa Mawu nabbisara? Wal᷊inewe wuassi ite lai i tou mabbisara?” Mawu naddaringikka sarangkanambone apan niwisaran tarua.

REENGANNA 12:2 Referans Kwoze

REENGANNA 16:3

I mangitou suadio'a inai sumaruanna si Musa wuṛṛu si Harun ana see nabbisara, “Wotongngete udde, Musa! Taumatan Israel sarangkanambone niṛṛae su Mawu, wuṛṛu Mawu indi su pattangnganni ite sarangkanambone. Arawe anio i'o massunna watangannu mattanggaṛṛanna wuassu Mawu?”

FILIPI 2:14

Manarate al᷊awo'u manara ringannu tawe sumungkuta ara'e matatiakka.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

MIKHA 6:4

I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

REENGANNA 11:1

Su sambau allo walahanna udde manattakke sussal᷊iomanna su Mawu su ola'u asasusa mangitou. Naaringikka manga sasal᷊iomanna udde, Mawu nasa'u wuṛṛu nandantan putungnga si mangitou. Putungnga udde nilumewa su wallati mangitou wuṛṛu nanutungnga sambageanganna wuassu paddasananna.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

REENGANNA 11:29

I Musa sinumimbakka, “Anio i'o maṛṛingi'u? Ewe'e i ya'u mangantimma tadea'u Mawu mangonggolu Ghaṛṛaho-Ne su anambon walahan-Ne, wuṛṛu ma'ola'a si mangitou sarangkanambone mabbal᷊i nabi!”

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

SASABANGNGA 7:10

Ne i Musa wuṛṛu i Harun inaite sinumaruanna ratu wuṛṛu itarua tinumuṛṛutte sarangkanambone apan buatte nirolokku Ruata. I Harun nallombon ta'inna su leta'a su saruannu ratu wuṛṛu manga mammamanarane, ana see ta'inna udde nawal᷊u nabbal᷊i atoanna.

SASABANGNGA 5:1

Wua'udde i Musa wuṛṛu i Harun inaite sinumaruanna ratu Mesir wuṛṛu nabbisara, “Arendi parenta Mawu, Ruatan Israel, ‘Walaawe walahang-Ku sumabangnga tadea'u i mangitou wotongnge mattaṛṛamawu si Ya'u su wadda'a lol᷊okka.’ ”

PANDARIADDI 29:33

I Lea piate illoṛṛo apia ana see nanungkangngu sangkatou ana'a esakka. Unni, “Mawu buatte nangonggolla si ya'u ana'a indi lai ana waugu i Tou naaringikka manungku i ya'u tawe rangnguanna.” Ana see ana'a udde nissagoten tou i Simeon.

SASABANGNGA 4:30

I Harun namasingkatta si mangitou sarangkanambone apan niwisara Mawu si Musa, wuṛṛu i Musa na'ola'a anambon al᷊aṛṛindu'a su saruannu manga taumata udde.

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

SASABANGNGA 4:14

Ana see Mawu nabbal᷊i nasa'u si Musa wuṛṛu nabbisara, “Wal᷊inewe i'o pia tuṛṛangnga aranne i Harun? I Ya'u masingkatta i tou pande massinaukka. I tou orassa indi sulal᷊ummu amatanna inawarendi, wuṛṛu i tou sarun mal᷊uassa massombanu.