REENGANNA 12:13 - WUKE SUSI WATTI'U AL᷊AL᷊USASSA

¹³ Ne i Musa sinumal᷊andete Mawu, “Oh Mawu, i ya'u sumal᷊ande, paapiaawe i tou!”

REENGANNA 12:13 Referans Kwoze

YAKOBUS 5:15

Amungkangu aal᷊iomanni mangitou niruitta ringannu pangangimanna, Mawu sarun mapaapian taumata maradda'a udde, wuṛṛu mangampunga manga rosa apan suete niolangnge.

ROMA 12:21

Arie mapaawalan ririnu iapiddu al᷊al᷊eo, arawe ṛinone i yamiu mapaanawon kal᷊al᷊eo ringannu apapia.

LUKAS 6:28

Al᷊amate taumata apan mammontoga si yamiu, wuṛṛu al᷊iomana'a taumata apan lal᷊eo si yamiu.

LUKAS 23:34

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

YEREMIA 17:14

Mawu, paapia'awe i ya'u, ne i ya'u sarun mabbal᷊i mapia. Sal᷊amata'awe i ya'u, ne i ya'u sarun masal᷊amatta. Tumba'u I'o apan wabbantuhangku!

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

REENGANNA 16:41

Tiṛṛabbine anambon ṛuangannu Israel massa'u si Musa wuṛṛu si Harun. I mangitou nabbisara, “Iraddua buatte namate ṛuangannu Mawu.”

REENGANNA 14:2

I mangitou sussamboṛṛe si Musa wuṛṛu si Harun wuṛṛu nabbisara, “Mappianne i ite nate su Mesir ara'e su wadda'a indi! Mappianne i ite mate!

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

PANDARIADDI 20:17

Mawu buatte napatinnan anambon bawine su wal᷊en araratuanni Abimelekh ana waugu arariadianna si Sara, awingngi Abraham udde. Ana see i Abraham niumal᷊iomanna su Ruata, wuṛṛu Ruata napaapian Abimelekh, awingnge wuṛṛu manga allangnge wawine, na'oman sara manga wawine udde wotongnge mapangunsiwe apia.

SASABANGNGA 4:7

Ana see Mawu nabbisara, “Sutta'e limane apia sulal᷊ummu laungngu.” I Musa tinumuṛṛutta, wuṛṛu napawe i tou napasabangnga apia, limane udde napiate.

REENGANNA 11:2

Manga taumata mangngintul᷊i ma'iontolla si Musa. Ana see i Musa inumal᷊iomanna su Mawu, ne putungnga udde nappaddumpe.

REENGANNA 12:12

Arie pabbala'a i tou mabbal᷊i ere ana'a apan wakkute niasungkangnga ana see mate, ringannu ṛemessa sambageanganna nawukku'e.”

DARALO 30:2

I ya'u maddalo Si'o, oh Mawu, ana waugu I'o buatte nanal᷊amatta si ya'u wuṛṛu tawe namalan see'u mannampissi'u.

DARALO 41:4

Mawu sarun mantul᷊ungngi tou sutempo maradda'a, wuṛṛu i tou sarun mabbannasanna wuassu raddange.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

1 MARARATU 13:6

Ana see Ratu Yerobeam nabbisara nabi udde, “Tul᷊unga'a al᷊iomana'a su Mawu Ruatanu huna'u. Paddarongkeaakkan-Ne tadea'u ta'ia'u mapia!” Ne nabi udde niumal᷊iomante su Mawu, ana see napiate ta'iakku ratu.