PANDARIADDI 9:22 - WUKE SUSI WATTI'U AL᷊AL᷊USASSA

²² Napawe i Ham, eteudde yamangngi Kanaan, naasilo manungku yamangnge tantol᷊e, i tou sinumabbangnga wuṛṛu namasingkattu olangnge udde su tuṛṛangnge ruan katou.

PANDARIADDI 9:22 Referans Kwoze

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

1 KORINTUS 13:6

Taumata apan marangngu manga taumata waine, maddirin kal᷊al᷊eo, i tou tumba'u mal᷊uassa su apapia.

MATIUS 18:15

“Amungkangngu tuṛṛangngu ma'ola'a rosa su saruannu, roote ringanni tou wuṛṛu tantiroa'e passasal᷊ane. Ola'e udde ringannu mal᷊annaba su wallatti raddua sassane. Amungkangngu i tou tinumuṛṛutta al᷊awo'u wisaranu, i'o naauntungnga naasomba apia tuṛṛangngu udde mabelengnga.

DARALO 70:3

Wala'ewe taumata apan maapulu mamate si ya'u iaparugi wuṛṛu tumal᷊angnga ial᷊iwune. Wala'ewe taumata apan maggion asasusa'u iapasoṛṛotta wuṛṛu lobbosanna.

DARALO 40:15

Wala'ewe taumata apan maapulu mamate si ya'u iaparugi wuṛṛu tumal᷊angnga ringannu u'al᷊iwu. Wala'ewe taumata lullaggen asasilaka'u puul᷊anna iapatal᷊angnga wuṛṛu aadio'anna.

PANDARIADDI 10:6

Al᷊aṛṛana'i Ham eteudde i Kus, i Mesir, i Libia wuṛṛu i Kanaan.

AMSAL 25:9

Nassal᷊a sunna su hawenu, insuete tumba'u ringanni tou, arawe addapingngu taumata waine arie pabbattia'a.

1 TAWARIKH 1:8

Al᷊aṛṛana'a esakka ana'i Ham eteudde i Kus, i Mesir, Libia wuṛṛu i Kanaan. Ete i mangitou udde al᷊amonan manga walahanna apan nisago tumuṛṛuttu aranni mangitou.

PANDARIADDI 9:25

i tou nabbisara, “Niawontohante i Kanaan! I tou sarun maola'a allangnga al᷊aleoanne su manga tuṛṛangnge.

PANDARIADDI 9:23

Wua'udde i Sem wuṛṛu i Yafet nanganu sambau jubah wuṛṛu niwatadda su wambangngi tarua. I tarua niumamatta uatal᷊iudda sinumutta su rasanna udde wuṛṛu nangoossa yamangnge ringannu jubah udde. Itarua namiṛṛingngu hati tadea'u tawe maasilo yamangngi mangitou apan uatantol᷊e udde.

HABAKUK 2:15

Niawontohante i'o! I'o mallobbossa wuṛṛu mammansili al᷊indongannu; i'o na'ola'a si mangitou sussansendekka ere taumata wu'anna.