PANDARIADDI 8:1 - WUKE SUSI WATTI'U AL᷊AL᷊USASSA

¹ Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.

PANDARIADDI 8:1 Referans Kwoze

PANDARIADDI 30:22

Ana see Ruata nanaungke si Rahel; Ruata naddaringikka aal᷊iomanne wuṛṛu namalan tou manungkangngu ana'a.

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

SASABANGNGA 2:24

Ruata naaringikka si mangitou, wuṛṛu i Tou naanaungnga paaire-Ne si Abraham, si Ishak wuṛṛu si Yakub.

DARALO 136:23

I Tou tawe maabul᷊in kite sutempo i ite niawaddo; darangngu-Ne tawe panguddusanne.

1 SAMUEL 1:19

Tiṛṛabbine marua'allo i Elkana wuṛṛu amonanne napu'ote maṛṛanggappa, wuṛṛu napawe buatte nattaṛṛamawu su Mawu, i mangitou napul᷊ete watukku Rama. Ne i Elkana natatambaten Hana, awingnge udde.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

DARALO 106:4

Naungewe i ya'u, oh Mawu, ana waugu apapia-Nu su al᷊aṛang-Ngu, ontol᷊ewe i ya'u lai napawe I'o manal᷊amatta si mangitou.

AMOS 8:7

Mawu, Ruatan balahannu Israel, buatte nassalu, “I Ya'u mangke tawe maabul᷊i inolaanni mangitou apan dal᷊eo.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

DARALO 132:1

Aantarin patatembo. Oh Mawu, naungewe i Daud, wuṛṛu al᷊awo'u asasusane.

NEHEMIA 13:31

Ta'u niatokka lai tadea'u su manga tempo buatte nitantunna, alu anutungnga hunan sasamba itattambunna wotongnge saddianna wuṛṛu tumana'a wotongnge mangapiddu sasamba hessin pangitinganna apan paarorone. Panginsueanne i ya'u niumal᷊iomanna, “Ruata'u, naungetewe sarangkanambone indi wuṛṛu al᷊amatewe i ya'u.”

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

NEHEMIA 13:29

I ya'u niumal᷊iomanna, “Oh Ruata'u, naungetewe ereapa manga taumata udde nadal᷊eo manaran imam wuṛṛu paaire-Nu ringannu manga imam wuṛṛu manga taumatan Lewi!”

NEHEMIA 13:14

Oh Ruata'u, naungete al᷊awo'a apan buatte ta'u niola'a hunan Wal᷊en-Nu wuṛṛu pangangangimbene.

SONDAPPA 18:5

Ana waugu rosane ua'ombo sara langitta, wuṛṛu Ruata uanaungnga al᷊al᷊eone.

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.

AMSAL 25:23

Anginna sawannakka sarun mandantan uranna; aroddi lai paggahahatto sarun mandantan asasa'u.

AYUB 14:13

Wunia'a i ya'u sulal᷊ummu runian taumata nate; lu'arewe i ya'u maddatingngu I'o tate lai mamul᷊o. Arawe tantuna'e tempo tadea'u ipannaungnga watangangku.

REENGANNA 22:32

Mala'ekattu Mawu naiwal᷊o, “Anio i'o namuulla keledainu na'oman sara paatallu? I Ya'u nirumanta mangampangnga si'o, ana waugu tumuṛṛuttu addapa'u, dal᷊eo amungkangngu i'o inai.

YUNUS 4:11

Tawe mariaddi i Ya'u tawe masusa maṛṛingiddu Niniwe, soa apan wahewalla udde. Ana waugu wal᷊ine wuassu manga winatangnge apan tawe iareengnga udde, isudde pia lai 120.000 su atoune al᷊aṛṛana'a apan ta'e wagga suapa mapia wuṛṛu suapa al᷊al᷊eo.”

DARALO 36:6

Mawu, darangngu-Nu ere atanggaku langitta, wuṛṛu atatul᷊iddu Mawu naddatingu winabbawa.

SASABANGNGA 15:10

Arawe Mawu ringannu paassa sumangngo nandantan allo ma'asusa su Mesir. I mangitou nilumakkuba naal᷊ihidda tima apan mawakkata sulal᷊ummu lua'a apan matandi'a.

REENGANNA 10:9

Wuṛṛu amungkangngu i yamiu mapapangalo su wanuanu su ipannahekku watangannu wuassu seetta apan mammangalo, pattiuppe manga trompeta udde. Ne, i Ya'u Ruatanu, sarun mantul᷊ungnga wuṛṛu manal᷊amatta si yamiu wuassu manga seennu.

AYUB 12:15

I Tou naṛṛapingnga ua'e, ne namarate wuṛṛu naṛṛagasse abbi; I Tou namallossa niapa'elekka, ne manawangnga mallintuadde!

DARALO 29:10

Mawu uataṛṛino su manawangnga wahewalla, I Tou uaparenta naola'a Ratu saran mal᷊annu-l᷊annu.

DARALO 105:42

Ana waugu Mawu uananungnga paaire-Ne si Abraham, allang-Nge.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

PANDARIADDI 9:10

wuṛṛu ringannu al᷊awo'u riadianna apan hiakka, eteudde manga manu'u winalanganna wuṛṛu anambon binatangngu amaranne, ore sarangkanambone apan sinumabbangnga wuassu apalla udde suadio'a ringanni yamiu.

DARALO 115:12

Mawu uanaungnga si ite wuṛṛu sarun mangal᷊amatta si ite, i Tou sarun mangal᷊amatta umattu Israel wuṛṛu anambon imam papapulunni Harun.

YEREMIA 50:38

Paamara'e al᷊awo'u sal᷊ukka wuṛṛu wawail᷊anne! Ana waugu, Babel napenen pasasubba paal᷊uanna apan maarantinna, apan naaolala ingana'a maddaralone nabbewa.

ZAKARIA 10:11

Napawe i mangitou tumumbe tahal᷊oangngu asasusa, i Ya'u, Mawu sarun mamuulla manga lua'a; ne ṛanassu Sal᷊ukku Nil mabbali mamara-mara. Walahannu Asyur apan mawunga sarun iapawawo, wuṛṛu Mesir apan matohassa sarun iapawul᷊i taṛṛinone.