PANDARIADDI 6:9 - WUKE SUSI WATTI'U AL᷊AL᷊USASSA

^9-10 Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

PANDARIADDI 6:9 Referans Kwoze

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

2 PETRUS 2:5

Aroddi lai runia su tempo rorone Ruata tawe namalan tou mal᷊iu wuassu ṛuumanna. Ruata napaarantan manawangnga wahewalla su runian manga taumata lal᷊eo su tempo udde. Tumba'u Nuh su sambau ringannu siri pitu waine apan niapaasal᷊amatta, ana waugu Nuh namasingkattu watti'a su ola'u wiakka apan maal᷊uassa naungngu Ruata.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

PANDARIADDI 5:24

Ana waugu i Henokh sidutu mabbiaka maranin Duata, i tou nawul᷊i nial᷊appu Ruata.

GALATIA 3:11

Tawe saran sangkatou apan masasangkapian Duata ana waugu mappaamattu titan agama. Olangnge udde buatte niapaal᷊iatta'a sulal᷊ummu Wuke Susi, “Tumba'u taumata apan mangngimanna Ruata na'oman sara paa'aukke ringannu Ruata maola'a mapia apia, sarun maralukka!”

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 5:22

Wua'udde i Henokh nabbiakka sulal᷊ummu paa'aukka ringannu Ruata al᷊annune 300 su tonnane. I tou naasomba al᷊aṛṛana'a waine lai

YEHEZKIEL 14:14

Salaiwe i Nuh, i Danel wuṛṛu i Ayub uatana'a su tampa udde, ne apapia mangitou tallu tumba'u wotongnge mapanal᷊amatta niawa mangitou sassane. I Ya'u, Mawu Apan Atanggaṛṛanne buatte nabbisara.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

PANDARIADDI 2:4

Eteudde watti'u pandariaddi ul᷊il᷊im pati'uppa. Su tempo Ruata na'ola'a ul᷊il᷊in pati'uppa,

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

YEHEZKIEL 14:20

Wuṛṛu salaiwe i Nuh, i Danel wuṛṛu i Ayub uatana'a isudde, ne ana waugu i Ya'u, Ruata apan biakka, Mawu Apan Atanggaṛṛanne, i mangitou tawe maapanal᷊amatta sisai-sai, ewe'e lai ana'i mangitou sassane tawe. Tumba'u i mangitou sassane apan masal᷊amatta ana waugu apapia mangitou.”

AYUB 1:8

Ana see Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu apiane ere i tou. I tou massubba si Ya'u wuṛṛu tawe saran paassa ma'ola'a al᷊al᷊eo.”

ROMA 1:17

Ana waugu ringannu Watti'u Al᷊al᷊uassa udde Ruata napaal᷊iatta'a ereapa lal᷊anne paa'aukku taumata ringannu Ruata maola'a apia; lal᷊anne eteudde ringannu mangngimanna Ruata, wuassu panattaṛṛanne saran pangudusanne. Udde ere lai uawoṛṛetta sulal᷊ummu Wuke Susi, “Taumata apan mangngimanna Ruata ma'oman sara paa'aukka ringannu Ruata maola'a mapia, taumata udde sarun masal᷊amatta!”

LUKAS 23:50

Pia sangkatou aranne i Yusuf, wuassu soa Arimatea su wanua Yudea. I tou sangkatou mapia apan aaddatannu taumata, wuṛṛu nareengnga taumata apan sidutu uaraṛṛaddo tempone Ruata mamarenta ere sangkatou Ratu. Salaiwe i tou nareengnga su wageangngu Mallaṛṛuungngu Agama, i tou maddirin ṛuumanna udde wuṛṛu inolaannu manga mallaṛṛuungnga udde.

LUKAS 2:25

Tempo udde su Yerusalem pia sangkatou taumata aranne Simeon. I tou taumata mapia, apan matta'uttu Ruata wuṛṛu tantal᷊anna uaraṛṛaddo tempone Ruata manal᷊amatta Israel. Ghaṛṛahon Ruata uaṛṛundinganna si tou,

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 37:37

Pa'ellege taumata apan mapia wuṛṛu naungnge waresi; taumata apan mapulun paddarame uatahuanna allo addantane.

2 TAWARIKH 15:17

Salaiwe tawe anambon tampa pasasubbanna monganna su wanua udde nihohakki Asa, arawe i tou sidutu matuṛṛutta Mawu su al᷊o'engngu pabbiaṛanne.

PANDARIADDI 48:15

Wua'udde i tou nangal᷊amatta si Yusuf, wisarane, “Ruata, ete i Tou Mawu, sassubbanni Abraham wuṛṛu i Ishak, ete i Tou apan ua'ehetta si ya'u naddatingngu orassa indi;

AYUB 12:4

I ya'u ilallagen hawe wuṛṛu ruanganna, sumbal᷊i i ya'u indi naṛṛino wuṛṛu tawe sangkulle. Dorone Ruata sinumimbakka aal᷊iomangku, suapawe i ya'u sumal᷊ande maitul᷊ungnga.

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

2 TAWARIKH 25:2

Inolaanni Amazia maal᷊uassa naungngu Mawu, arawe tawe ringannu ahewallu naungnga.

PANDARIADDI 10:1

Ete indi papapulunnu al᷊aṛṛana'i Nuh, eteudde i Sem, i Yafet wuṛṛu i Ham. Napawe buatte nammanawangnga, i mangitou siri tallu naasomba ana'a esakka.

PANDARIADDI 5:1

Ete indi manga arannu papapulunni Adam. (Su tempo Ruata nandiaddi taumata, i Tou na'ola'a si mangitou ere lihiddu Ruata sassane.

TAHIUL᷊E 18:13

Nariaddi ṛinone i yamiu mattaṛṛamawu Mawu Ruatanu ringannu ahewallu lal᷊ummu naungngu.”

2 SAMUEL 22:24

I Tou masingkatta manungku i ya'u tawe sal᷊ane wuṛṛu naparaun batangangku wuassu pasasal᷊a.

DARALO 37:39

Mawu nanal᷊amatta taumata susi, wuṛṛu nallu'adda si mangitou wuassu asasusa.