PANDARIADDI 6:6 - WUKE SUSI WATTI'U AL᷊AL᷊USASSA

⁶ I Tou sinumassilla buatte nandiaddi si mangitou wuṛṛu napaatana'i mangitou su runia. I Tou tumaniten sinumassilla,

PANDARIADDI 6:6 Referans Kwoze

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

IBRANI 3:10

Ana waugu udde i Ya'u nasa'u si mangitou wuṛṛu i Ya'u nabbisara, ‘I mangitou sidutu maddiri tumuṛṛutta wuṛṛu tawe tumuṛṛutta manga parenta-U.’

1 SAMUEL 15:29

Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”

2 SAMUEL 24:16

Mala'ekattu Mawu apan uaapiddu papate na'omate su tampa pakkindanna gandumma tatahuananni Arauna, taumatan Yebus. Sutempo Mawu naasilo manungku mala'ekatta udde nasaddiate manginsue Yerusalem, Mawu namal᷊u laṛṛawen-Ne, ne mala'ekatta udde naddote nakkuumannu walahanna udde. Wisara-Ne su mala'ekatta udde, “Wotongngete! Addote!”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

SASABANGNGA 32:14

Ne Mawu namal᷊u pandumanne wuṛṛu tate mapaamattu riin-Ne ipangema'a walahanna udde ringannu asasilaka.

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

YEREMIA 26:19

Arawe i Ratu Hizkia wuṛṛu taumatan Yehuda tawe namate si Mikha. I Hizkia ewe'e lai nata'uttu Mawu wuṛṛu naiakkanna. Ne Mawu tate nanakkuttu asasa'u-Ne ipanilaka si mangitou. Wuṛṛu orassa indi, eteaddio'a i ite mandantan asasilaka apan wahewalla su watanganni ite.”

1 TAWARIKH 21:15

Ana see Mawu nandolokku sangkatou mala'ekatta niapaṛṛimunsa'a Yerusalem. Arawe sutempo mala'ekatta udde na'omate maranin paṛṛindanna ganduma pussa'an Arauna taumatan Yebus, Mawu namal᷊u parenta-Ne makkuumannu walahanna udde. I Tou nabbisara mala'ekatta udde, “Wotongngete, Taal᷊a'e!”

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

1 SAMUEL 15:35

Su al᷊o'engngu pabbiaṛṛanne, i Samuel tate nassomban Saul apia. Arawe i Samuel massusa ana waugu sinumassilla nanenegi Saul naola'a ratun Israel.

TAHIUL᷊E 32:36

Mawu sarun manal᷊amatta al᷊aṛṛanang-Nge wuṛṛu umakkannu manga allang-Nge, napawe i Tou maasilo i mangitou lomete wuṛṛu niasueanten atatohassa.

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

IBRANI 3:17

Wuṛṛu sisai lai Ruata nasa'u appatu pul᷊o su tonnane al᷊annune? Ete si mangitou apan marosa, apan nanawo see nate su wadda'a, are?

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

DARALO 119:158

I ya'u maddantinna maasilo manga taumata lal᷊eo udde, ana waugu i mangitou tawe maddaringikka al᷊aṛang-Ngu.

DARALO 110:4

Ringannu sasalu Mawu buatte na'ire, i Tou tawe mangul᷊e apia, “Ete I'o imam sarangkal᷊o'engnge, ere i Melkisedek.”

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.

DARALO 81:13

Ana waugu udde i mangitou niwala'u tawe maddaringikka; wala'e i mangitou mappaamattu apulun naungnge sassane.

DARALO 78:40

Aroddi asokkane i mangitou lumawangnga si Tou, wuṛṛu manaddu'a naung-Nge sutempo su wadda'a.

ROMA 11:29

Ana waugu amungkangngu Ruata mamile taumata wuṛṛu mangal᷊amatta taumata udde, Ruata tawe mangul᷊e apia apa apan buatte niolang-Nge.

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

YEREMIA 18:7

Napawe su sambau tempo i Ya'u makkawessa mamate, maṛṛa'a wuṛṛu makkimunsa'a sambau walahanna ara'e araratuanna,