PANDARIADDI 6:5 - WUKE SUSI WATTI'U AL᷊AL᷊USASSA

⁵ Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

PANDARIADDI 6:5 Referans Kwoze

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

MANNANASE 9:3

Nariaddi, pal᷊addu pabbiaṛṛanna apan uasul᷊ungnga lai sarun maṛṛia'a si mangitou sarangkanambone. Wuṛṛu udde sambau inolaanna apan maasusa ere lai al᷊awo'u arariaddianna su runia. Su al᷊o'engngu pabbiaṛṛanne naungngu taumata napenen al᷊al᷊eo, wuṛṛu ṛingiranne lai napenen awawoddo. Ana see inaṛṛombanganne i tou naasomba papatene.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

DARALO 53:2

Taumata longonna mabbisara sulal᷊ummu naungnge, “Tawe Duata.” Inolaanni mangitou lal᷊eo wuṛṛu maarantinna; taweddu ma'ola'a apapia.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

YEHEZKIEL 8:9

Wisara-Ne si ya'u, “Suttate wuṛṛu pa'ellege manga inolaanna apan lal᷊eo wuṛṛu maarantinna apan niola'i mangitou isudde.”

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

YEHEZKIEL 8:12

Mawu nabbisara si ya'u, “Ei taumata apan mattate, i'o naasilote apa apan niola'u piaṛṛa'u Israel ringannu mal᷊anna-l᷊annabba? I mangitou mattaṛṛamawu sulal᷊ummu wabbo'a apan napenen paal᷊uanna ringannu pangiananna manungku i Ya'u buatte nanantangngu wanua indi wuṛṛu tawe ma'ellega inolaanni mangitou.”

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

AYUB 15:16

Nangillembote lai taumata apan dal᷊eo wuṛṛu napenen pasasal᷊a, apan ma'inumma al᷊al᷊eo naal᷊ihidda ua'e.

MATIUS 24:37

Napawe Ana'u Taumata rumanta olangnge naal᷊ihidda ere su tempo i Nuh dorone.

LUKAS 17:26

Su allo udde Ana'u Taumata sarun iapaal᷊iatta'a lihidde ere su tempo Nabi Nuh rorone.

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.

AYUB 22:15

Apa i'o sidutu mappulu sumabbi su lal᷊anna apan nipilen taumata lal᷊eo?