PANDARIADDI 6:3 - WUKE SUSI WATTI'U AL᷊AL᷊USASSA

³ Ne Mawu nabbisarate, “I ya'u tawe mamalan taumata mabbiakka saran mal᷊annu-l᷊annu; i mangitou arariadianna apan mattate. Manattakka orassa indi uukki mangitou tawe manampal᷊iu wuassu 120 su tonnane.”

PANDARIADDI 6:3 Referans Kwoze

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

DARALO 78:39

I Tou mannaungnga manungku i mangitou tumba'u riadianna apan wotongnge mate, naal᷊ihidda anginna apan sinumabbi wuṛṛu tate mabelengnga.

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

1 TESALONIKA 5:19

Arie manaṛṛangnga Ghaṛṛahon Duata.

YOHANES 3:6

Taumata su ola'u wadangnge niasungkangngu hagurangnga, arawe su pangangimanna niasungkangngu Ghaṛṛahon Ruata.

YESAYA 5:4

Apate lai apan sarun Ta'u olaanna, arawe taambe Ta'u niola'a su waillu anggore-U udde? Anio wua mapakkadda apan niapasabbangnge, wal᷊inewe wua mapia ere apan a'antimang-Ku?

YEREMIA 11:7

Sutempo i Ya'u nangapiddu al᷊amona mangitou sinumabbangnga wuassu Mesir, ringannu ma'ikkatta i Ya'u napanaungnga si mangitou tadea'u matuṛṛutta si Ya'u. Naddatingngu sara orassa indi lai Ya'u ta'e sidutu mappanaungngu uma-U su olangnge udde,

PANDARIADDI 6:2

al᷊aṛṛana'u Ruata ma'ellega manungku mangka maṛṛuala udde mangkaṛṛamaga. Ana see i mangitou na'awingke manga maṛṛuala apan ipaapulu mangitou.

YESAYA 57:16

Tawe sarangkal᷊o'enge i Ya'u mapasal᷊an uma-U; tawe saran mal᷊annu-l᷊annu i Ya'u massa'u, tadea'u i mangitou tawe mapaddi apulu naungnge, sumbal᷊i ete i Ya'u apan mabbiakka si mangitou.

DARALO 90:10

Tempo ipabbiakki yami tumba'u pitu pul᷊o su tonnane, amungkangu i yami matohassa, ual᷊u pul᷊o su tonnane. Arawe tumba'u asasusa wuṛṛu uatataṛṛangnga apan niasombanganni yami; napawe buatte nabbiakka maautta, ne i yami lai nawul᷊ite.