PANDARIADDI 50:25 - WUKE SUSI WATTI'U AL᷊AL᷊USASSA

²⁵ Ana see i Yusuf nandolokku anambon ana'u tuṛṛangnge massalu, wisarane, “Pa'irete si ya'u, manungku napawe Ruata mamiaaṛṛa'i yamiu watukku wanua udde, i yamiu lai sarun mangapiddu winal᷊unangku.”

PANDARIADDI 50:25 Referans Kwoze

YOSUA 24:32

Winal᷊unanni Yusuf apan niapiddu ṛuangannu Israel wuassu Mesir, nilabingnga su Sikhem su leta'a apan buatte niwallianni Yakub, aregane maṛṛasutta roitta sal᷊a'a wuassu al᷊aṛana'i Hemor, iamangngi Sikhem. Leta'a udde tinantilla su papapulunni Yusuf.

SASABANGNGA 13:19

I Musa nangapiddu manga duṛṛin i Yusuf, ana waugu su tempo i tou wiakka, i Yusuf nandolokku taumata Mesir nassalu manungku ma'ola'a aroddi. Arendi tanatan i Yusuf, “Su tempo Mawu mamallossi yamiu, winal᷊unangku ṛinone iapiddi yamiu wuassu tampa indi.”

IBRANI 11:22

Ana waugu mangngimanna, ne i Yusuf – su tempo maraniten mate – nabbisara su ola'u sasabangu taumatan Israel wuassu Mesir, wuṛṛu nanantangu tanata, su ola'u winal᷊unanne ṛinone olaanna ereapa.

WATTI'U MANGA RASUL 7:16

Winal᷊unanni mangitou niapidda apia su Sikhem wuṛṛu nilabingnga su lal᷊abinganna apan suete niwallianni Abraham ringannu roitta wuassu taumatan walahannu Hemor su Sikhem.

PANDARIADDI 50:5

‘Su tempo iamangngu allanga maranite mate, allangngu nirolokka massalu si tou, manungku allangnga sarun mallabingngi tou sulal᷊ummu labingnga apan buatte niola'a su leta'u Kanaan. Ana waugu udde, wala'awe allangngu inai mallabingngu iamangngu allangnga. Wua'udde allangnga sarun mabelengnga.’ ”

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 13:18

Ana waugu udde Mawu nangapiddi mangitou umamattu lal᷊anna mamal᷊iwutta wadda'a lol᷊okka mattuddan Tahal᷊oangngu Gelagah. Su tempo manantangngu Mesir, manga taumatan Israel udde pia lutangnge naal᷊ihidda mappapangalo.

RUT 1:6

Manga pira tempo wua'udde i Naomi naaringikka manungku Mawu buatte nangal᷊amatta walahannu Israel ringannu hessin pangangitingnga apan mapia. Ana waugu udde i Naomi ringannu ruan katou mananambone nasasadiate manantangngu Moab.