PANDARIADDI 50:24 - WUKE SUSI WATTI'U AL᷊AL᷊USASSA

²⁴ Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

PANDARIADDI 50:24 Referans Kwoze

PANDARIADDI 35:12

Wanua apan buatte Ta'u nionggola si Abraham wuṛṛu si Ishak, sarun Ta'u ionggola si'o wuṛṛu su papapulunnu.”

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

PANDARIADDI 48:21

Ana see i Yakub nabbisarate si Yusuf, “Erete lai aellehannu, papate'u maranite, arawe Ruata sarun mantul᷊ungngi yamiu wuṛṛu mangapiddi yamiu mabelengnga watukku wanuan al᷊amonanu.

PANDARIADDI 46:4

I Ya'u sarun tumantalongnga si'o watukku Mesir, wuṛṛu mangapiddu papapulunnu mabelengnga apia su wanua indi. I Yusuf sidutu su sandiṛṛannu napawe papatenu nia'omanna.”

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 15:7

Wua'udde Mawu nabbisara apia si tou, “Ete i Ya'u Mawu, apan buatte namiaṛṛangngu sinumabbangnga wuassu wanua Ur su Babilonia, tadea'u panantilannu leta'a indi si'o maola'a pusaanu.”

PANDARIADDI 13:17

Orassa indi, pal᷊intara'e ahewallu leta'a indi, ana waugu ya'u mangonggollu udde si'o.”

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

IBRANI 11:22

Ana waugu mangngimanna, ne i Yusuf – su tempo maraniten mate – nabbisara su ola'u sasabangu taumatan Israel wuassu Mesir, wuṛṛu nanantangu tanata, su ola'u winal᷊unanne ṛinone olaanna ereapa.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

MANNANASE 12:5

I'o matta'utta suma'a su tampa apan matanggakka wuṛṛu ṛinone umamatta ringannu maaddunna. Utangngu pia owanne wuṛṛu leddanu wawol᷊enganna sutempo umamatta. Ne nawul᷊ite al᷊awo'u naungnga wuṛṛu apulu. I ite mattuddate tampa tatanaanni ite apan panginsueanne, manga taumata lullal᷊o wuṛṛu sussangitta su al᷊o'engngu lal᷊anna.

AYUB 30:23

I ya'u masingkatta, I'o nangapi'u su runian papate, tampan al᷊awo'u apan biakka niammulla.

TAHIUL᷊E 6:10

“Mawu Ruatanu naddiandi su iupungngu al᷊amonanu i Abraham, i Ishak wuṛṛu i Yakub manungku i Tou sarun mangonggolu wanua udde si yamiu. Manga soane wahewalla wuṛṛu ala, wuṛṛu wal᷊ine i yamiu napararisikku soa udde.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

SASABANGNGA 33:1

Ana see Mawu nabbisara si Musa, “Tatanga'e tampa indi wuṛṛu roote suadio'a ringannu walahanna apan niapiddu wuassu Mesir udde watukku wanua apan Ta'u pina'ire si Abraham, si Ishak wuṛṛu si Yakub see lai papapulunni mangitou.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

PANDARIADDI 50:5

‘Su tempo iamangngu allanga maranite mate, allangngu nirolokka massalu si tou, manungku allangnga sarun mallabingngi tou sulal᷊ummu labingnga apan buatte niola'a su leta'u Kanaan. Ana waugu udde, wala'awe allangngu inai mallabingngu iamangngu allangnga. Wua'udde allangnga sarun mabelengnga.’ ”

PANDARIADDI 21:1

Mawu nangal᷊amatta si Sara ere buatte nipa'ire-Ne udde.

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

PANDARIADDI 15:8

Arawe i Abram naiwal᷊o, “Oh, Mawu Apan Atanggaṛṛanne, ereapa i ya'u wotongnge maasingkatta manungku leta'a udde maola'a pusaa'u?”

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SASABANGNGA 13:19

I Musa nangapiddu manga duṛṛin i Yusuf, ana waugu su tempo i tou wiakka, i Yusuf nandolokku taumata Mesir nassalu manungku ma'ola'a aroddi. Arendi tanatan i Yusuf, “Su tempo Mawu mamallossi yamiu, winal᷊unangku ṛinone iapiddi yamiu wuassu tampa indi.”

YOSUA 24:32

Winal᷊unanni Yusuf apan niapiddu ṛuangannu Israel wuassu Mesir, nilabingnga su Sikhem su leta'a apan buatte niwallianni Yakub, aregane maṛṛasutta roitta sal᷊a'a wuassu al᷊aṛana'i Hemor, iamangngi Sikhem. Leta'a udde tinantilla su papapulunni Yusuf.

PANDARIADDI 47:29

Napawe maraniten tempone mate, i tou namago si Yusuf, anangnge udde, ana see nabbisara si tou, “Addoa'e limanu su wallatu palangku wuṛṛu passalu manungku i'o tawe mallabingku isindi su Mesir.

SASABANGNGA 12:41

Su allo panginsueannu tonna 430 udde, anambon barisannu al᷊aṛṛana'u Mawu nanantangngu leta'u Mesir.

SASABANGNGA 12:51

Su allo udde Mawu nangapiddu anambon balagu Israel sinumabbangnga wuassu Mesir.