PANDARIADDI 49:9 - WUKE SUSI WATTI'U AL᷊AL᷊USASSA

⁹ I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

PANDARIADDI 49:9 Referans Kwoze

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

SONDAPPA 5:5

See sangkatou wuassu manga piaṛṛange udde nabbisara si ya'u, “Arie palluai! Pa'ellege! Singa wuassu walahannu Yehuda, papapulunni Daud apan wahewalla, suete naauntunga! I tou wotongnge mamesangnga pitu segele udde wuṛṛu mamu'a wuke udde.”

REENGANNA 23:24

Walahanna udde naddisikka naal᷊ihidda singa wawine, wuṛṛu uarisikka matul᷊idda naal᷊ihidda singa esakka. I tou tawe lumallowangnga tantal᷊anna taambe niuminassa seenne wuṛṛu ma'inumma daṛṛan binatangnga sasamba apan tinamboanne.”

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

HOSEA 5:14

Naal᷊ihidda singa apan tumambo, aroddi lai i Ya'u sarun mamangalo taumatan Israel wuṛṛu Yehuda. I Ya'u sassane sarun manggesa'a si mangitou, ana see Ta'u itantangnga. Napawe i Ya'u mamol᷊engnga si mangitou inai, tawe saran sangkatou apan wotongnge mamallossi mangitou.

YEHEZKIEL 19:5

Tawe gunane inangnge maṛṛaddo anangne; ana see i tou naasingkatta manungku antimme nawul᷊ite. Ne manga anange waine niaṛṛaanne lai nabbal᷊i singa mal᷊aṛṛaga wuṛṛu matohassa.

1 KORINTUS 15:24

Wua'udde mariaddite Kiamatta. Su tempo udde Kristus sarun mangagassa al᷊awo'u araratuanna, al᷊awo'u taṛṛino, wuṛṛu al᷊awo'u atatohassa; wua'udde i Tou sarun manantillu taṛṛino-Ne ere sangkatou ratu, su Ruata Iamangngi ite.

HOSEA 5:4

Al᷊al᷊eo apan niola'u taumatan Israel pangillul᷊eanne i mangitou tate mapabbelengnga ringannu Ruatan mangitou. I mangitou tataṛṛinoante pasasubba paal᷊uanna, na'oman sara i mangitou tate maddaringikka Mawu.

TAHIUL᷊E 33:20

Su ṛuanganni Gad i tou nabbisara: “Daralo su Ruata apan nanggewalla leta'i Gad. I Gad ual᷊aṛṛaddo naal᷊ihidda sambau singa inai manggesa'a ta'iakka ara'e pisin pua.

1 MARARATU 10:20

Su pentakke aiṛṛi wuṛṛu su pentakke aikkatanna suapan tal᷊ataddu tuadda udde pia paal᷊uannu singa – sarangkanambone mapul᷊o dua su waune. Tawe saran paassa pia adderan araratuanna ereudde su al᷊awo'u araratuanna.

2 TAWARIKH 9:18

Addera udde pia tata'iakke wuṛṛu su ruan baane pia paal᷊uannu singa. Addera udde lai pia tal᷊attaddu tuadde, annumma, wuṛṛu sambau pangangandangannu ledda apan nioosannu wul᷊awanna. Tampan ledda udde niṛṛaiddu adderane.